თბილისის სახელმწიფო უნივერსიტეტში სახელმწიფო მართვის აქტუალურ საკითხებზე ფორუმი გაიმართა.

მერიის ინფორმაციით, ფორუმი ივანე ჯავახიშვილის სახელობის თბილისის სახელმწიფო უნივერსიტეტის ადმინისტრაციულ მეცნიერებათა ინსტიტუტის ორგანიზებით მოეწყო. შეხვედრის მთავარი თემა თბილისის მერიის ზედამხედველობის სამსახურის მუშაობის სპეციფიკა და გამოწვევები იყო.

მოწვეულ სტუმრებს თბილისის მერიის ზედამხედველობის სამსახურის წარმომადგენლებმა სამსახურის მუშაობის შესახებ პრეზენტაცია წარუდგინეს.

შეხვედრას თბილისის მერიის ზედამხედველობის სამსახურის უფროსის მოადგილე ვლადიმერ ყუშიტაშვილი, ზედამხედველობის სამსახურის თანამშრომლები, აკადემიური წრეების წარმომადგენლები, ასევე გერმანელი ექსპერტი, გერმანიის შპაიერის ადმინისტრაციულ მეცნიერებათა უნივერსიტეტის პროფესორი ულრიხ შტელკენსი ესწრებოდნენ.

„ფორუმს ადმინისტრაციულ მეცნიერებათა ინსტიტუტი მართავს. ინსტიტუტმა გამოთქვა სურვილი, რომ ამ შეხვედრაში ჩავრთულიყავით, რასაც სიამოვნებით დავთანხმდით, რადგან მნიშვნელოვანია, რომ პრობლემურ საკითხებზე პრაქტიკოსებსა და მეცნიერებს შორის მსჯელობა შედგეს.  ამ ფორუმის დანიშნულებაა, ვიმსჯელოთ აქტუალურ საკითხებზე და ამაში ჩაერთონ მეცნიერები. გვაქვს სურვილი, რომ მათთან თანამშრომლობა გავაგრძელოთ და საკანონმდებლო ხარვეზებზე, რომელიც არსებობს ამ სფეროში ერთობლივად ვიმუშაოთ“, - განაცხადა ვლადიმერ ყუშიტაშვილმა.

ივანე ჯავახიშვილის სახელობის თბილისის სახელმწიფო უნივერსიტეტის ადმინისტრაციულ მეცნიერებათა ინსტიტუტი მსგავს ფორუმებს რეგულარულად მართავს. ფორუმის მიზანია სახელმწიფო მმართველობის აქტუალურ საკითხებზე მეცნიერებსა და პრაქტიკოსებს შორის დიალოგი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს