“ვითიბი ბანკი” Jobrate-თან ერთად, სტუდენტებს და კურსდამთავრებულებს სთავაზობს მონაწილეობას პროექტში VTB Generation. აღნიშნული პროექტი  მიზნად ისახავს ახალგაზრდების ბანკირებად მომზადებას საწყისი პოზიციებისთვის.

პროექტში მონაწილეობა შეუძლია  უმაღლესი სასწავლებლის დამამთავრებელი კურსის სტუდენტებს ან  ახალ კურსდამთავრებულებს, სპეციალობით ფინანსები,საბანკო საქმე, ეკონომიკა, ბიზნეს ადმინისტრირება. კონკურსის წესით შერჩეული  კანდიდატები გაივლიან სამთვიან ინტენსიურ სწავლებას ვითიბი ბანკის ტრენინგ-ცენტრში და ორთვიან სტაჟირებას ფილიალებში. VTB Generation -ის  წარმატებული მონაწილეები დასაქმდებიან ვითიბი ბანკის ფილიალებში სხვადასხვა პოზიციაზე.

კონკურსი შედგება რამდენიმე ეტაპისგან. პირველ ეტაპზე, დაინტერესებულ კანდიდატებს შეუძლიათ ატვირთონ საკუთარი ვიზიუმე შემდეგ მისამართზე: http://jobrate.ge/addvi

ვიზიუმე ეს არის ვიდეოპრეზენტაცია, სადაც კანდიდატმა უნდა წარადგინოს საკუთარი თავი ვიდეო მიმართვის ფორმატში. ვიდეოში აუცილებლად უნდა ჩანდეს თავად კანდიდატი,  უნდა დაასახელოს ვინაობა, უმაღლესი სასწავლებელი, სპეციალობა, კურსი.  კანდიდატის მიერ  უნდა იყოს ახსნილი რას ნიშნავს მისთვის ბანკში მუშაობა და რას მიიღებს ბანკი მისგან, როგორც მონაწილისგან . ჩანაწერის ხანგრძლივობა არ უნდა აღემატებოდეს 3 წუთს.

ვიზიუმეების ატვირთვა შესაძლებელია 2016 წლის 25 თებერვლამდე.

პროექტი VTB Generation დაიწყო 2013 წელს და მის ფარგლებში მომზადდა 3 ნაკადი. საერთო ჯამში პროექტი წარმატებით გაიარა 78 მონაწილემ და ყველა მათგანი დასაქმდა ვითიბი ბანკის ფილიალებსა და სათავო ოფისში.

პროექტი ტარდება მთელი საქართველოს მასშტაბით და წარმატებული მონაწილეების დასაქმება შესაძლებელია არა მხოლოდ თბილისის, არამედ ბანკის რეგიონალურ ფილიალებშიც, თუკი მონაწილეებს ამის სურვილი ექნებათ.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს