მიხეილ სააკაშვილს პალატის შეცვლასთან დაკავშირებით არანაირი პრეტენზია არ ჰქონია, იცოდა ამის შესახებ და არ გამოუთქვამს პრეტენზია,- ამის შესახებ "ვივამედის" კლინიკურმა დირექტორმა, ზურაბ ჩხაიძემ საზოგადოებრივ მაუწყებელს განუცხადა.

როგორც ჩხაიძე ამბობს, ექსპრეზიდენტს პირობები უფრო გაუმჯობესებული აქვს.

"ვიტყოდი, კიდევ უფრო გაუმჯობესებული პირობებია, რადგან მეტი ფართობია და ანალოგიურ პირობებშია. გადასვლისას რამდენიმე საათის განმავლობაში იყო ინტერნეტის ხარვეზი. დარწმუნებული ვარ, გიული ალასანიას სახლშიც შეიძლება ხანდახან ინტერნეტი ეთიშებოდეს. ინტერნეტის ხარვეზი რამდენიმე საათში აღმოიფხვრა. ერთი თვეა, მასთან და ოჯახის წევრებთან მიმდინარეობს კომუნიკაცია პალატის შეცვლასთან დაკავშირებით და გაუფრთხილებლად არ გადაუყვანიათ, მათთვის მოულოდნელობა არ ყოფილა. სააკაშვილს არანაირი პრეტენზია არ ჰქონია, იცოდა ამის შესახებ და არ გამოუთქვამს პრეტენზია... სააკაშვილს პალატა შეეცვალა იქიდან გამომდინარე, რომ მოხდა ჩვენი დეპარტამენტის სტრუქტურული ცვლილება. გაფართოვდა დეპარტამენტი, ზოგი დეპარტამენტი დაგვემატა, ამიტომ არ გვყოფნიდა სივრცე, სადაც უნდა განთავსებულიყო ეს დეპარტამენტები და მოხდა პალატის შეცვლა, ასე ვთქვათ, ერთი ფლიგელოდან მეორე ფლიგელში",- უთხრა ჩხაიძემ საზოგადოებრივ მაუწყებელს.

ავტორი: ექსპრესნიუსი,

სოციალური ქსელები

აშშ-ის სენატორებმა მოითხოვეს Starlink-ის რუსეთის ტერიტორიაზე საჰაერო დარტყმებისთვის გამოყენების ნებართვა

საფრანგეთში ფასების ზრდის წინააღმდეგ საპროტესტო აქციები განახლდა - ორგანიზატორების თქმით, 800 000 ადამიანი მონაწილეობდა.

უკრაინული დრონები თავს დაესხნენ ომსკში, საზღვრიდან 2500 კილომეტრში მდებარე Ozon-ის საწყობს და ნავთობქიმიურ ქარხანას

ტრამპი: აშშ ირანზე დარტყმას 25 ოქტომბრიდან განიხილავს, თუმცა მნიშვნელოვანი შეთანხმების მიღწევა შესაძლებელია