მინდა ვუთხრა ივანიშვილს, რომ მის "ბუტკაში" ქართველი ხალხი აღარ ეტევა,- ამის შესახებ საქართველოს მესამე პრეზიდენტმა, მიხეილ სააკაშვილმა სასამართლო პროცესზე კლინიკა "ვივამედიდან" დისტანციურად ჩართვისას განაცხადა.

როგორც ექსპრეზიდენტმა აღნიშნა, ქართველი ხალხი მონობას არასდროს შეეგუება.

"მინდა ვუთხრა ივანიშვილს, რომ მის "ბუტკაში" ქართველი ხალხი აღარ ეტევა. ძალიან ბევრია უკვე უკმაყოფილო და აზრზემოსული და ამას ისე ბუტკაში ვერ შეაკავებ. ჩვენ ვემზადებით არა რევოლუციისთვის, ჩვენ უნდა მოვემზადოთ ყველანი არჩევნებზე მისვლისთვის, არჩევნებზე დაკვირვებისთვის, ხმებისთვის, ბრძოლისთვის და მას შემდეგ, რაც ესენი გამოაცხადებენ გაყალბებულ შედეგებს და ისინი გამოაცხადებენ გაყალბებულ შედეგებს, ჩვენ უნდა მოვემზადოთ ყველანი ერთად, ასობითათასი ადამიანი ქუჩაში დგომისთვის, დღეების, კვირების, თვეების განმავლობაში მშვიდობიანად მანამ, სანამ არ ვაიძულებთ, აღიარონ ქართველი ერის არჩევნები...

ქართველი ხალხი არასდროს შეეგუება მონობას. ოლიგარქს ძალიან ეშინია. დააკვირდით, როგორი დამფრთხალი თვალები აქვს მას და მის ჯგუფს. მათ გეგმა დაწყობილი აქვთ. ყველამ ყველაფერი იცის. ახლა ჩვენ უნდა ვიმოქმედოთ...

კარგად მომისმინოს ივანიშვილმა - ჩვენ არაფერ სხვა შედეგს არ მივიღებთ და არ დავთანხმდებით გარდა ქართველი ხალხის სრული გამარჯვებისა. ყველა სხვა არჩევანი არის გამორიცხული. ქართველი ხალხი იმარჯვებს",- განაცხადა სააკაშვილმა. 

ავტორი: ექსპრესნიუსი,

სოციალური ქსელები

ტრამპი ამომრჩევლის მხარდაჭერას კარგავს: დემოკრატები რესპუბლიკელებს შვიდი პუნქტით უსწრებენ - NBC News

ცხოველთა სამარხების ამსახველი კადრების გავრცელების შემდეგ შსს-მ გამოძიება დაიწყო

შვეიცარიაში საპროტესტო აქციები პოლიციასთან შეტაკებებში გადაიზარდა

ჰაკერებმა როსტატის ვებსაიტი გატეხეს და განაცხადეს, რომ რუსეთის ომში დანაკარგების შესახებ მონაცემები მოიპარეს