გუშინდელი სამარცხვინო ინტერვიუს შემდეგ, ეს კაცი ივანიშვილის თოჯინებში დაწინაურდა! - ასე ეხმაურება პარტია "საქართველოსთვის" ლიდერი გიორგი გახარია ტელეკომპანია "იმედის" მფლობელის, ირაკლი რუხაძის განცხადებას.

როგორც გახარია სოციალურ ქსელში წერს, რუხაძე "პირველი ადამიანია, რომელმაც ბიძინა ივანიშვილის დავალებით, ქვეყნის კონსტიტუციის ჩანაწერი კითხვის ნიშნის ქვეშ დააყენა".

"გუშინდელი სამარცხვინო ინტერვიუს შემდეგ, ეს კაცი ივანიშვილის თოჯინებში დაწინაურდა! ის გახდა პირველი ადამიანი, რომელმაც ივანიშვილის დავალებით, ჩვენი ქვეყნის კონსტიტუციის ჩანაწერი კითხვის ნიშნის ქვეშ დააყენა. 

ადამიანი, რომელსაც თავად ამერიკის პასპორტი აქვს და ევროპაში ცხოვრობს, საკუთარი ფულის გადასარჩენად და ივანიშვილის დავალებით, საკუთარი პროპაგანდისტული ტელევიზიიდან ჩვენს შვილებს არწმუნებს, რომ ევროპა ცუდია. 

ეროვნული ინტერესების და ხალხის ღალატის ფასს ყველა პერსონალურად გადაიხდის! დროის საკითხია და ეს დრო უკვე მოდის",- წერს გახარია "ფეისბუქის" გვერდზე.

შეგახსენებთ, ტელეკომპანია "იმედის" მფლობელმა, ირაკლი რუხაძემ განაცხადა, რომ ევროინტეგრაცია კონსტიტუციაში არ უნდა ჩაწერილიყო.

ავტორი: ექსპრესნიუსი,

სოციალური ქსელები

ტრამპი ამომრჩევლის მხარდაჭერას კარგავს: დემოკრატები რესპუბლიკელებს შვიდი პუნქტით უსწრებენ - NBC News

ცხოველთა სამარხების ამსახველი კადრების გავრცელების შემდეგ შსს-მ გამოძიება დაიწყო

შვეიცარიაში საპროტესტო აქციები პოლიციასთან შეტაკებებში გადაიზარდა

ჰაკერებმა როსტატის ვებსაიტი გატეხეს და განაცხადეს, რომ რუსეთის ომში დანაკარგების შესახებ მონაცემები მოიპარეს