"სამწუხაროდ, ერთადერთი, ვინც ვერ შეძლო, ინფორმაცია წარმოედგინა, პრემიერ-მინისტრის თანაშემწე ადამიანის უფლებების საკითხებში სოფო ჯაფარიძეა",- ამის შესახებ პარლამენტის ადამიანის უფლებების დაცვის კომიტეტის თავმჯდომარემ ეკა ბესელიამ კომიტეტის დღევანდელ სხდომაზე განაცხადა, სადაც სახალხო დამცველის მიერ გაცემული რეკომენდაციების შესრულების თაობაზე უწყებების ანგარიშები მოისმინეს.

 როგორც ბესელიამ აღნიშნა, პრემიერის წარმომადგენელი რეკომენდაციების თაობაზე ანგარიშების მოსმენას გასულ წელსაც არ ესწრებოდა.

“სამწუხაროდ, ერთადერთი ვინც ვერ შეძლო ინფორმაცია წარმოედგინა, პრემიერ-მინისტრის თანაშემწე ადამიანის უფლებების საკითხებში სოფო ჯაფარიძეა. არც არავინ არ გამოცხადდა, ვინც ამ ინფორმაციას წარმოადგენდა. შარშანაც იგივე მოხდა. ძალიან სამწუხაროა, არ ვიცი, ეს რატომ მოხდა. ვეცდები პირადად დაველაპარაკო. ძალიან ყურადღებიანია სოფო და რატომ ხდება ასე.  შარშანაც ერთადერთი რგოლი იყო ვინც არ მონაწილეობდა და წელსაც. შეიძლება ერთი რეკომენდაცია მოვიფიქროთ და მას გავუგზავნოთ. მთავრობის ყველა წევრი მოდის, გაუგებრია, რატომ არავინ გამოცხადდა. თვითონ ბორჯომშია კონფერენციაზე, მაგრამ არც არავინ არ გამოცხადდა ამის ორგანიზება შეიძლებოდა. მგონი, კარგი ფორმა არ არის, როცა კომიტეტი მთავრობის ყველა წევრს უსმენს და საპარლამენტო მდივნები მოდიან, არ მგონია, რომ ეს კარგი ტონი იყოს ასეთი ფორმა და იმედია, ორგანიზება მოხერხდება ისე, რომ შესაძლებელია თვითონ მოსვლა ვერ მოახერხა, მაგრამ  ვინმე სხვა უნდა მოვიდეს, რომ ეს ინფორმაცია წამოადგინოს. გეგმების დაწერა ძალიან მნიშვნელოვანია, მაგრამ რეკომენდაციების შესრულება არანაკლებ მნიშვნელოვანია. ჩემი მცირე საყვედური უნდა გამოვთქვა, ამას დასკვნაშიც ავსახავთ”, - განაცხადა ეკა ბესელიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა