2024-07-01 17:13:31, 463 ნახვა

---

ვოლსკი - კობახიძე თუ კალაძე არ გამოირჩევიან იმ პირთა შორის, ვისაც მსოფლიო ჩემპიონი ნურმაგომედოვი შეხვედრია

ირაკლი კობახიძე თუ კახა კალაძე არ გამოირჩევიან რამე განსაკუთრებულით იმ პირთა შორის, ვისაც ეს მსოფლიო ჩემპიონი შეხვედრია,- ასე ეხმაურება პარლამენტის პირველი ვიცე-სპიკერი გიორგი ვოლსკი პრემიერ-მინისტრის, თბილისის მერისა და "ქართული ოცნების" საპატიო თავმჯდომარის შვილის UFC-ის მებრძოლთან, დაღესტნელ სპორტსმენ ხაბიბ ნურმაგომედოვთან შეხვედრას.

როგორც ვოლსკიმ მედიის წარმომადგენლებთან საუბრისას აღნიშნა, შეხვედრის თემა "სპორტში მიღწევები" იქნებოდა. 

"თუკი, ხაბიბ ნურმაგომედოვი დღეს რუსეთის ფედერაციას წარმოადგენს, ეს რამე ღირსებას არ აკლებს იმის გამო, რა მიღწევებიც მას სპორტში აქვს.

სპორტში მიღწევები არის თემა, ალბათ, რომელზეც ისაუბრეს, თუმცა თვითონ კახა კალაძე ან ირაკლი კობახიძე დაგიდასტურებთ, რა თემაზე შეიძლება ლაპარაკი ჰქონოდათ ადამიანთან, რომელიც ბრძოლა წესების გარეშე არის ჩემპიონი",- ამბობს ვოლსკი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი