ვენეციის კომისია ჰომოფობიურ კანონპროექტზე, სახელწოდებით "ოჯახურ ღირებულებათა და არასრულწლოვანთა დაცვის შესახებ“ მოსაზრებას აქვეყნებს.

როგორც ვენეციის კომისიის მოსაზრებაშია ნათქვამია, კომისია წუხილს გამოთქვამს იმის გამო, რომ საკანონმდებლო ინიციატივა, რომელიც ეხება ძალიან სენსიტიურ საკითხებს, იწყება იმ პერიოდში, რომელიც ხასიათდება ძლიერი და ხანგრძლივი მასობრივი პროტესტით, ძლიერი პოლიტიკური თუ საზოგადოებრივი დაძაბულობით.

"ვენეციის კომისია ახალი შესწორებების მიღებამდე დასაბუთებული ანალიზის ჩატარების რეკომენდაციას იძლევა, რომელშიც ჩართული იქნება საზოგადოების ყველა სეგმენტი, განსაკუთრებით სექსუალური და გენდერული უმცირესობების წარმომადგენლები, ასევე, შესაბამისი სექტორების ექსპერტები და პროფესიონალები. ასეთი ანალიზი უნდა გამოქვეყნდეს საჯაროდ და ჩატარდეს იმ დროში, რომელიც შესაბამისი იქნება მიუკერძოებელი კონსულტაციისთვის, რათა მოხდეს სადავო საკითხების სამართლიანი და მიუკერძოებელი შეფასება.

რაც შეეხება საკონსტიტუციო კანონის პროექტის სამართლებრივ შეფასებას, ადამიანის უფლებათა ევროპული სასამართლოს სასამართლო პრაქტიკისა და ვენეციის კომისიის წინა მოსაზრებების გათვალისწინებით, კომისია მიიჩნევს, რომ შესწორებების შესაბამისობა ევროპულ და საერთაშორისო სტანდარტებთან ვერ დადგინდება ზემოთ ჩამოთვლილი მიზეზების გამო და ამ წინადადების უბრალო შეთავაზებაც კი საქართველოში ლგბტი ადამიანების წინააღმდეგ მტრული და სტიგმატიზებული ატმოსფეროს გაღვივების რისკებს აჩენს. ამგვარად, კომისია რეკომენდაციას უწევს საქართველოს ხელისუფლებას, სრულად გადახედონ ამ საკანონმდებლო წინადადებას და არ გააგრძელონ მისი მიღება.

თუ საკონსტიტუციო კანონის პროექტი თუ შენარჩუნებული იქნება, ვენეციის კომისიის რეკომენდაციებია: კანონპროექტის 1.1 მუხლის შეცვლა იმგვარად, რაც დასაშვებს ხდის ერთნაირსქესიანთა წყვილების სამართლებრივ აღიარებას; კანონპროექტის 1.1 მუხლიდან სიტყვების "გენეტიკურად“ ამოღება; კანონპროექტის 1.2 მუხლში სიტყვის "ჰეტეროსექსუალური“ ტერმინით "ერთი“ ან "ინდივიდუალური“ ჩანაცვლება; საკონსტიტუციო კანონპროექტიდან 1.3 მუხლის წაშლა; კანონპროექტის 1.4 მუხლიდან პირველი ფრაზის წაშლა (გენეტიკური მონაცემების შესაბამისად) და საკმარისად დეტალური, ზუსტი კანონის ჩამოყალიბება, რომელიც უზრუნველყოფს სწრაფ, გამჭვირვალე და ხელმისაწვდომ პროცედურებს ტრანსგენდერი პირებისთვის რეგისტრირებული სქესობრივი მარკერის შეცვლისთვის; კანონპროექტის 1.5 მუხლის წაშლა ან მისი იმგვარად შეცვლა, რათა უზრუნველყოფილი იყო არადისკრიმინაციულ სტანდარტებთან შესაბამისობა; კანონპროექტის 1.6, 1.7 და 1.8 მუხლების წაშლა, ინცესტის კი ცალკე დარეგულირება, სისხლის სამართლის კანონის ფარგლებში. ვენეციის კომისია საქართველოს ხელისუფლებისა და საპარლამენტო ასამბლეის განკარგულებაში რჩება ამ საკითხში დახმარების გასაგრძელებლად“,- აღნიშნულია ვენეციის კომისიის მოსაზრებაში, რომლის ქართულ ენაზე თარგმანი საზოგადოებრივმა მაუწყებელმა გაავრცელა.

ავტორი: ექსპრესნიუსი,

სოციალური ქსელები

ბოჭორიშვილი: მაისში სახელმწიფო დეპარტამენტის წარმომადგენლების ვიზიტი იქნება საქართველოში

პუტინმა ტრამპს განუცხადა, რომ მზადაა 9 მაისს უკრაინაში დროებითი ცეცხლის შეწყვეტა გამოაცხადოს

თურქეთმა რუსებისთვის ბინადრობის ნებართვის მიღების საფასური თითქმის 15-ჯერ გაზარდა

ბათუმში სამსართულიან საცხოვრებელ სახლში ხანძარია