აშშ-ის თავდაცვის მდივანმა ლოიდ ოსტინმა სამშაბათს სატელეფონო საუბარი რუსეთის თავდაცვის მინისტრს ანდრეი ბელუსოვს ჰქონდა. პენტაგონის განცხადებით, განიხილეს საკომუნიკაციო ხაზების გახსნის მნიშვნელობა.

აშშ-ს თავდაცვის დეპარტამენტის სპიკერმა საჰაერო ძალების გენერალურმა მაიორმა პატრიკ რაიდერმა ჟურნალისტებს განუცხადა ბრიფინგზე, რომ ლოიდ ოსტინმა წამოიწყო საუბარი და რომ ეს იყო პირველი საუბარი პენტაგონის ხელმძღვანელსა და მის რუს კოლეგას შორის 2023 წლის მარტის შემდეგ. ამის შესახებ ამერიკის ხმა იტყობინება.

რუსული სააგენტო TASS, რომელიც ანალოგიურ ინფორმაციას ავრცელებს, იტყობინება, რომ ამერიკულ მხარეს არ დაუკონკრეტებია, კონკრეტულად რა იყო სატელეფონო ზარის მიზეზი.

რუსეთის თავდაცვის სამინისტროს ტელეგრამის არხი აღნიშნავს, რომ თავდაცვის მინისტრებმა მოსაზრებები გაცვალეს უკრაინის გარშემო არსებულ ვითარებაზე. ბელუსოვმა აღნიშნა სიტუაციის შემდგომი ესკალაციის საშიშროება უკრაინის არმიისთვის ამერიკული იარაღის მიწოდებასთან დაკავშირებით.

ავტორი: ექსპრესნიუსი,

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს