ხელისუფლება ვეღარ ახერხებს ქართველი ხალხის პროპაგანდით დამორჩილებას და ხალხზე გაბრაზებული, მათ ფიზიკურად უსწორდება,- ამის შესახებ ნათქვამია ერთობლივ განცხადებაში, რომელსაც 20-ზე მეტი არასამათავრობო ორგანიზაცია ავრცელებს.

როგორც არასამათავრობოები განცხადებაში უთითებენ, "არც თუ შორია დრო, როდესაც ამ ფაქტებზე სამართლიანი გამოძიება ჩატარდება და ძალადობის დამკვეთები და შემსრულებლები დაისჯებიან".

"უკვე რამდენიმე კვირაა, არ წყდება ხელისუფლების ოპონენტებზე და აქტივისტებზე ფიზიკური თავდასხმები, რაც “ქართული ოცნების” მიერ არის მართული. ხელისუფლება ვეღარ ახერხებს ქართველი ხალხის პროპაგანდით დამორჩილებას და ხალხზე გაბრაზებული, მათ ფიზიკურად უსწორდება.

უკვე მეორე თვეა, მაღალი პოლიტიკური თანამდებობის პირები ძალადობას ახალისებენ საჯარო განცხადებებით, მათზე დაქვემდებარებული არაფორმალური ჯგუფები კი ურეკავენ, აგინებენ, ემუქრებიან, ოფისებს და საცხოვრისებს ამახინჯებენ და ჩვენს მოქალაქეებზე ძალადობენ.

ნიშანდობლივია, რომ ამ საქმეებს არავინ იძიებს; სამართალდამცავმა ორგანოებმა დაკარგეს მათი კონსტიტუციური ფუნქცია და ხელისუფლების ხელში პოლიტიკური რეპრესიების ინსტრუმენტად იქცნენ.

კიდევ ერთი ასეთი ფაქტის მომსწრე გავხდით: პარლამენტის თავმჯდომარემ, შალვა პაპუაშვილმა სახელობითად მოიხსენია ზუკა ბერძენიშვილი თავის განცხადებაში და ერთ საათში აქტივისტს ფიზიკურად თავს დაესხნენ.

ჩვენ ვგმობთ ძალადობის ყველა ფაქტს, რომელსაც ხელისუფლება ჩადის ქართველი ხალხის წინააღმდეგ, ვახდენთ მათ დოკუმენტირებას და გვწამს, რომ არც თუ შორია დრო, როდესაც ამ ფაქტებზე სამართლიანი გამოძიება ჩატარდება და ძალადობის დამკვეთები და შემსრულებლები დაისჯებიან.

ხელისუფლებას თავად არის ამ ძალადობის დამკვეთი. ოლიგარქის რეჟიმი საერთო ენას ვეღარ პოულობს მოქალაქეებთან და ძალადობით ცდილობს საკუთარი სისუსტის გადაფარვას. 

ჩვენ სოლიდარობას ვუცხადებთ საქართველოს თითოეულ მოქალაქეს, რომელსაც ხელისუფლება თავს ესხმის და მადლობას ვუხდით მათ ღირსეული სამოქალაქო პოზიციისთვის",- აღნიშნულია ერთობლივ განცხადებაში, რომელსაც ხელს აწერენ: "ინფორმაციის თავისუფლების განვითარების ინსტიტუტი" (IDFI), "დემოკრატიის მცველები", "უფლებები საქართველო", "მწვანე ალტერნატივა", "საქართველოს რეფორმების ასოციაცია", "სამოქალაქო იდეა", "საფარი", "სამოქალაქო საზოგადოების ფონდი", "ტოლერანტობისა და მრავალფეროვნების ინსტიტუტი", "საბჭოთა წარსულის კვლევის ლაბორატორია", "დემოკრატიის კვლევის ინსტიტუტი", "ევროპულ-ქართული ინსტიტუტი", "ეკონომიკური პოლიტიკის კვლევის ცენტრი", "საქართველოს დემოკრატიული ინიციატივა", "საქართველოს მომავლის აკადემია", "წამების მსხვერპლთა ფსიქოსოციალური და სამედიცინო რეაბილიტაციის ცენტრი", "ქალთა ინიციატივების მხარდამჭერი ჯგუფი", "საქართველოს ახალგაზრდა იურისტთა ასოციაცია", "საქართველოს სასამართლოს გუშაგი", "სამართლიანი არჩევნებისა და დემოკრატიის საერთაშორისო საზოგადოება" (ISFED), "თბილისი პრაიდი", "აღმოსავლეთ ევროპული ცენტრი მრავალპარტიული დემოკრატიისთვის", "ადამიანის უფლებათა ცენტრი" (HRC).

ავტორი: ექსპრესნიუსი,

სოციალური ქსელები

თიბისი განაწილება უკვე 6 თვეზე - ეფექტური 0%-ით

ტრამპმა პუტინს შესთავაზა, რომ რუსული გაზი ევროკავშირს ამერიკული „საფარის“ მეშვეობით მიყიდოს

ჰაკერებმა რუსეთისა და უკრაინის განგაშის აპლიკაციები გატეხეს და ბირთვული დარტყმების შესახებ ცრუ შეტყობინებებს ავრცელებდნენ

მერკელმა განაცხადა პოპულიზმის საფრთხის შესახებ, რაც მისი აზრით გერმანულ საზოგადოებას გახლეჩს