სომხეთის პრემიერ-მინისტრი ნიკოლ ფაშინიანი აცხადებს, რომ ქვეყანა მზად არის, აზერბაიჯანთან სამშვიდობო შეთანხმებას ერთ თვეში ხელი მოაწეროს.

როგორც ფაშინიანმა ჟურნალისტებთან საუბრისას აღნიშნა, დოკუმენტი ხელმოსაწერად თითქმის მზად არის.

"დიახ, ჩვენ განვაცხადეთ, რომ მზად ვართ, ერთ თვეში სამშვიდობო ხელშეკრულებას მოვაწეროთ ხელი. ეს ნიშნავს, რომ ჩვენი შეფასებით, სამშვიდობო ხელშეკრულების ამჟამინდელი ტექსტი საკმაოდ მომწიფებულია და შეიძლება შესწორდეს საბოლოო შტრიხები, მოვიყვანოთ იგი საბოლოო ფორმაში, ადრე დადასტურებული ორმხრივი ხელშეკრულებების საფუძველზე და მოვაწეროთ ხელი. თავად აზერბაიჯანის პრეზიდენტმა განაცხადა, რომ ოფიციალური ბაქო პრაღის შეთანხმებებისა და ალმათის დეკლარაციის ერთგულია. ჩვენ ეს პრინციპები დავადასტურეთ ბრიუსელის, სოჭის და პრაღის განცხადებებში",- ამბობს ნიკოლ ფაშინიანი.

აღსანიშნავია, რომ მანამდე, აზერბაიჯანის პრეზიდენტმა, ილჰამ ალიევმა თქვა, რომ სომხეთის კონსტიტუციაში ცვლილებების გარეშე, ბაქო სამშვიდობო ხელშეკრულებას ხელს არ მოაწერს.

"სომხეთისა და აზერბაიჯანს შორის სამშვიდობო ხელშეკრულების დადება, თუ სომხეთის მოქმედი კონსტიტუცია უცვლელი დარჩება, უბრალოდ შეუძლებელია",- განაცხადა ალიევმა.

ავტორი: ექსპრესნიუსი,

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს