ბათუმში, რამდენიმე თვეა რაც სოციალური კაფე „სოციუმი“ გაიხსნა. კაფე სოციალური საწარმო მეწარმეთა განვითარების ცენტრის მიერ შეიქმნა ევროკავშირის მიერ დაფინანსებული პროექტის - „უნარები დასაქმებისა და თანამშრომლობისთვის - პერსპექტივები საქართველოს რეგიონებისთვის" ფარგლებში.

„სოციუმი“ მულტიფუნქციური სივრცეა, სადაც ფუნქციონირებს კაფე, მაღაზია და ტრენინგ ცენტრი.

„სოციუმი“ მომხმარებლებს მრავალფეროვან მომსახურეობას სთავაზობს. აქ მისულ ადამიანებს შეუძლიათ დააგემოვნონ კაფეს მენიუ ან შეიძინონ ნატურალური, ადგილობრივი წარმოების პროდუქცია, ეკო-მეგობრული სუვენირები და ნაკეთობები, ხელოვნების ნიმუშები.

ასევე, ადგილზე მისულ მომხმარებლებს შეუძლიათ, მეწარმეთა უნარების განვითარების მიზნით, დაჯავშნონ სივრცე საქმიანი შეხვედრებისთვის, ტრენინგებისთვის, პრეზენტაციებისთვის, ჩაატარონ საინფორმაციო შეხვედრები, მასტერკლასები და სხვა ღონისძიებები.

„სოციუმში“ ვიზიტით და მის გუნდთან თანამშრომლობით, თქვენ შეიტანთ საკუთარ წვლილს ადგილობრივი მეწარმეობის განვითარების და პოპულარიზაციის საქმეში. გაიგეთ უფრო მეტი „სოციუმის“ შესახებ: https://www.facebook.com/cafeSocium/.

24 მაისს აჭარის სავაჭრო-სამრეწველო პალატისა და მასთან არსებული ქალ  ბიზნესმენთა ასოციაციის ორგანიზებით, ბათუმში  მეწარმე ქალთა ბიზნეს ფორუმი 2024 ჩატარდა, სადაც ნომინაციაში “სოციალური პასუხისმგებლობა ბიზნესში” ეკატერინე თარგამაძემ გაიმარჯვა, რომელიც სოციალური კაფე “სოციუმის” თანადამფუძნებელი და ხელმძღვანელია. ფორუმი "თიბისი" ბიზნესის მხარდაჭერით ჩატარდა.  მასში საქართველოს მასშტაბით 200-მდე დელეგატი მონაწილეობდა.

ფორუმის მიზანი იყო: მცირე და საშუალო ბიზნესის განვითარების ხელშეწყობა,  ქალი მეწარმეების ფინანსებზე ხელმისაწვდომობის გაზრდა, ბიზნესში ქალთა ჩართულობის მნიშვნელობის ხაზგასმა, მათი საქმიანობის პოპულარიზაცია და საქმიანი კონტაქტების დამყარება.

ავტორი: R (რეკლამა),

სოციალური ქსელები

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ

სამადაშვილი - რუსების მოკავშირე ავტოკრატია დაემხო სერბეთში. რუსეთმა და ივანიშვილის რეჟიმმა კიდევ ერთი მოკავშირე დაკარგა

transparency international - ოცნება სულ მცირე 800 000 მოქალაქეს პოლიტიკური არჩევანის გარეშე დატოვებს