სიტყვისა და გამოხატვის თავისუფლება ქვეყანაში დაცულია, განურჩევლად მრწამსისა და ორიენტაციისა, - ამის შესახებ დედაქალაქის მერმა, კახა კალაძემ მედიასთან საპარლამენტო უმრავლესობის მიერ დაინიციირებულ საკანონმდებლო პაკეტზე განაცხადა.

როგორც კალაძემ აღნიშნა, „ოჯახური ღირებულებებისა და არასრულწლოვანის დაცვის შესახებ“ კანონპროექტი ეხება „მხოლოდ ე.წ. ლგბტ პროპაგანდის შეზღუდვას".

„ამაზე არაერთხელ გავაკეთეთ განცხადება. მნიშვნელოვანია, რომ პროპაგანდა იყოს შეზღუდული. სიტყვის, გამოხატვის თავისუფლება და ადამიანის უფლებები ქვეყანაში დაცულია, განურჩევლად მრწამსისა და ორიენტაციისა. ყველა ადამიანის უფლებები და ინტერესი მკაცრად იქნება დაცული. ამის გარანტი არის საქართველოს ხელისუფლება, ჩვენი კონსტიტუცია და ჩვენი კანონმდებლობა“, - აღნიშნა კახა კალაძემ. 

ამასთან, თბილისის მერმა კიდევ ერთხელ ისაუბრა „უცხოური გავლენის გამჭვირვალობის შესახებ“ კანონზე, რომელიც უკვე ძალაშია შესული და აღნიშნა, რომ ვისაც ეს კანონი არ მოსწონს, ამისთვის არსებობს არჩევნები და ხელისუფლების დემოკრატიული გზით შეცვლა. 

„აღნიშნული კანონპროექტი მნიშვნელოვანია, რადგან არასამთავრობო ორგანიზაციებმა, რომლებიც 20%-ზე მეტ დაფინანსებას იღებენ უცხოეთიდან, ფინანსური დეკლარაცია უნდა შეავსონ.

საზოგადოებისთვის ეს ინფორმაცია ხელმისაწვდომი უნდა იყოს, თუ რა პროექტში რამდენი ფული იხარჯება. თუ ორგანიზაციები ამ ვალდებულებას არ შეასრულებენ, კანონში არსებობს შესაბამისი ბერკეტები. მთელი ამ დროის განმავლობაში ვერ მოინახა ვერცერთი მაღალჩინოსანი ვერც ქვეყნის შიგნით და ვერც ქვეყნის გარეთ, ვინც კონკრეტულ არგუმენტს გვეტყოდა. ვეტოს ფარგლებშიც, არ ყოფილა შინაარსობრივი და სამართლებრივი შენიშვნები წარმოდგენილი. 

დღეს, ის ადამიანები, ვინც აღნიშნულ კანონს აპროტესტებენ, უმცირესობაში არიან. ქვეყნის მოსახლეობის უმრავლესობა კანონს მხარს უჭერს. ესეც დემოკრატიის ნაწილია. თუ უმცირესობას რაღაც არ მოსწონს, ამისთვის ტარდება არჩევნები. მოიგონ არჩევნებში და შეცვალონ ეს კანონი. თუმცა, ოპოზიციამ იცის, რომ მათ არჩევნებში გამარჯვების შანსი ნული აქვთ. შეიძლება ვიღაცას აღნიშნული კანონი არ მოეწონა, გული დაწყდა, მაგრამ მათ მივმართავ, რომ ისინი წაგებულნი არ არიან. ამ შემთხვევაში, გამარჯვებული არის ჩვენი ქვეყანა, სახელმწიფოებრიობა და სუვერენიტეტი, ხოლო დამარცხებული არიან ქვეყნის არაკეთილმოსურნეები“, - განაცხადა კალაძემ. 

ავტორი: NS (სტატია დაფინანსებულია),

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად