ნორვეგიაში რუსეთის მოქალაქეებს ტურისტული მიზნით ჩასვლა, ნორვეგიის მთავრობის გადაწყვეტილებით, 29 მაისიდან შეეზღუდებათ. ამის შესახებ ინფორმაციას ნორვეგიის იუსტიციისა და საზოგადოებრივი უსაფრთხოების სამინისტრო ავრცელებს.

უწყების ცნობით, შეზღუდვის მიზეზი არის ის, რომ ნორვეგია მოკავშირეებს და პარტნიორებს „უკრაინაში რუსეთის უკანონო აგრესიული ომის წინააღმდეგ“ მხარს უჭერს.

„რუსეთის მოქალაქეებს, რომელთა მიზანი ტურიზმი და სხვა არასასურველი მოგზაურობაა, ეკრძალებათ გარე საზღვრის გავლით შესვლა. შეზღუდვა ეხება როგორც მათ, ვისაც ნორვეგიის მიერ გაცემული ვიზა აქვს სავიზო პრაქტიკის შეზღუდვის მიზნით 2022 წლის გაზაფხულზე, ასევე მათ, ვისაც აქვს ვიზა შენგენის ზონის სხვა ქვეყნებიდან“, - აღნიშნავს უწყება.

მათივე ინფორმაციით, გამონაკლისები დაიშვება რუსეთის იმ მოქალაქეებისთვის, რომლებიც ნორვეგიაში ჩადიან ახლო ნათესავების (მშობლები, მეუღლე, შვილები) მოსანახულებლად, სამუშაოდ ან სასწავლებლად.

შეგახსენებთ, ნორვეგიის მთავრობამ რუსეთის მოქალაქეებზე ვიზების გაცემა 2022 წლის გაზაფხულზე გაამკაცრა, რის შემდეგაც ფედერაციის მოქალაქეებისთვის ტურისტული ვიზები არ გაიცემა.

ავტორი: ექსპრესნიუსი,

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება