კოკში ახალი სატრანსპორტო ხიდი შენდება

2016-02-12 13:56:51, 2616 ნახვა

რეგიონი

ზუგდიდის მუნიციპალიტეტის კოკის ადმინისტრაციულ ერთეულში ახალი საავტომობილო ხიდი შენდება.

როგორც „ექსპრესნიუსს“ ზუგდიდის მუნიციპალიტეტის გამგეობიდან აცნობეს, მდინარე ენგურის შენაკადზე ხიდ ბოგირი ამორტიზირებული იყო, ბეტონის ფილა სიძველისა და წყალდიდობის გამო დაზიანდა და ტრანსპორტით გადაადგილება შეუძლებელი გახდა. ახალი ხიდ–ბოგირის მოცულობა 9 მეტრს შეადგენს.

მათივე ინფორმაციით, მონოლითური რკინა ბეტონის ხიდის მშენებლობა ზუგდიდის მუნიციპალიტეტის სარეზერვო ფონდიდან ხორციელდება. მისი საერთო ღირებულება კი 29.735 ლარს შეადგენს. აღნიშნული ხიდი კოკისა და ორასნტიის მოსახლეობას სოფლის ადმინისტრაციულ ცენტრთან აკავშირებს. ხიდ–ბოგირის მშენებლობა თებერვლის ბოლოს დასრულდება. სამშენებლო სამუშაოები ზუგდიდის მუნიციპალიტეტის გამგებლის მოადგილემ გიზო სართანიამ მოინახულა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან