მადლიერი ვარ აშშ-ის სენატის დღევანდელი დამტკიცებისთვის, უკრაინისთვის სასიცოცხლო მნიშვნელობის დახმარებისთვის, - ასე ეხმაურება უკრაინის პრეზიდენტი ვოლოდიმირ ზელენსკი ამერიკის შეერთებული შტატების სენატის მიერ უკრაინისთვის 61 მილიარდი დოლარის ოდენობით დახმარების პაკეტის დამტკიცებას.  

როგორც უკრაინის პრეზიდენტი სოციალურ ქსელში წერს, უკრაინის დახმარების შესახებ სენატის მიერ მიღებული კანონპროექტის ისტორიული მნიშვნელობა „პოლიტიკას სცილდება".

„ასევე, მადლიერი ვარ ყველა ამერიკელის, ვინც უკრაინის მხარდაჭერას აგრძელებს და აცნობიერებს, რომ ამ კანონპროექტის ისტორიული მნიშვნელობა პოლიტიკას სცილდება.

მე ასევე ვაფასებ პრეზიდენტ ბაიდენის მხარდაჭერას და მოუთმენლად ველი კანონპროექტზე სწრაფად ხელმოწერას და შემდეგი სამხედრო დახმარების პაკეტის მიწოდებას“, - წერს უკრაინის პრეზიდენტი.

ცნობისთვის, ამერიკის შეერთებული შტატების სენატმა უკრაინის, ისრაელისა და ტაივანის დახმარების პაკეტი დაამტკიცა. პაკეტის მოცულობა 95 მილიარდი დოლარია, საიდანაც 61 მილიარდი დოლარი უკრაინისთვის, 26 - ისრაელისთვის, ხოლო 8 - ტაივანისთვის გამოიყო.

ავტორი: ექსპრესნიუსი,

სოციალური ქსელები

მიხეილ სააკაშვილი: არსაიდან გასვლას და არანაირ დემარშს არ ვაპირებ

ყაველაშვილმა აჭარის ა/რ მთავრობის თავმჯდომარედ ზურაბ პატარაძის კანდიდატურა წარადგინა

პაპუაშვილი ჰერჩინსკიზე: ჩვენს ისტორიაში ბნელი იყო უცხო ძალების გამუდმებული მცდელობა „ჩახუტებით გავეგუდეთ“

სუს: თანხების მითვისება-გაფლანგვისთვის დაკავებულია „კოდორიჰესების“ დეპარტამენტის უფროსი