2024-04-21 13:26:40, 420 ნახვა

---

კუბილიუსი - ვინ არ არის მზად [EU-ში გასაწევრიანებლად]: ქართველი ხალხი თუ „ქართული ოცნება“? - პასუხი ნათელია

კონკრეტულად ვინ არ არის მზად [EU-ში გასაწევრიანებლად]: ქართველი ხალხი თუ "ქართული ოცნება"? - პასუხი ნათელია,- ასე ეხმაურება ევროპარლამენტარი ანდრიუს კუბილიუსი "ქართული ოცნების" თავმჯდომარის, ირაკლი ღარიბაშვილის განცხადებას.

კუბილიუსი აღნიშნულთან დაკავშირებით განცხადებას სოციალურ ქსელ X-ზე ავრცელებს.

"დეკემბერში ღარიბაშვილმა ევროკავშირის კანდიდატის სტატუსი იზეიმა და მას გამარჯვება უწოდა. ოთხი თვის შემდეგ ამბობს, რომ საქართველო მზად არ არის. კონკრეტულად ვინ არ არის მზად: ქართველი ხალხი თუ "ქართული ოცნება"? - პასუხი ნათელია. საქართველო იღებს რუსული სტილის კანონებს, პროევროპელი ხალხი კი ქუჩებში აპროტესტებს",- წერს კუბილიუსი.

შეგახსენებთ, გუშინ, 20 აპრილს "ქართული ოცნების" თავმჯდომარემ, ირაკლი ღარიბაშვილმა განაცხადა, რომ საქართველო ევროკავშირში გაწევრიანებისთვის მზად არ არის.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი