შარშან ქართველ ხალხსა და მის ხელისუფლებას დაჰპირდნენ, რომ უცხოური დაფინანსება იქნებოდა გამჭვირვალე, მაგრამ მოგვატყუეს,- ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.

როგორც პაპუაშვილმა მედიის წარმომადგენლებთან საუბრისას აღნიშნა, ნაცვლად იმისა, რომ უცხოური დაფინანსება ყოფილიყო გამჭვირვალე, ის უფრო მეტად დახურული გახდა.

"გვქონდა მცდელობა ერთი წლის განმავლობაში ყველა დონორთან და დიპლომატიურ წარმომადგენლობასთან, რომ დაგვერწმუნებინა იმაში, რომ გამჭვირვალობა არ არის მხოლოდ არჩევანი, რომელიც დონორმა უნდა გააკეთოს, არის ვალდებულება, მათ შორის საერთაშორისო დოკუმენტების საფუძველზე, კერძოდ, პარიზის დეკლარაცია საერთაშორისო დახმარების ეფექტიანობის შესახებ ავალდებულებს დონორებს, რომ იყვნენ პასუხისმგებელნი საკუთარი დაფინანსების შედეგებზე პარტნიორის წინაშე...

ნაცვლად იმისა, რომ შესრულებულიყო დაპირება და გამჭვირვალე გამხდარიყო დაფინანსება, მივიღეთ უფრო მეტი დახულობა. უფრო მეტიც, ამ ერთი წლის განმავლობაში, ჩვენ პერიოდულად ვარკვევდით, რომ თურმე, პოლიტიკური პარტიები ფინანსდებიან ასეთი ფონდებიდან; თურმე, რადიკალური ჯგუფები ფინანსდებიან ასეთი ფონდებიდან; თურმე, კამპანია რადიკალური ორგანიზაცია "სირცხვილიასი", რომელიც ე.წ. მოლოტოვის კოქტეილისა და ადამიანის დაწვის რომანტიზებას ახდენდა, ფინანსდება აშშ-ისა და ევროკავშირის მოქალაქეების ფულით. ამას ვარკვევდით პერიოდულად და რა თქმა უნდა, სახელმწიფო არის ვალდებული, გამჭვირვალობა უზრუნველყოს მოქალაქეებისთვის",- აცხადებს პაპუაშვილი.

შეგახსენებთ, 3 აპრილს „ქართული ოცნების“ აღმასრულებელმა მდივანმა და საპარლამენტო უმრავლესობის ლიდერმა, მამუკა მდინარაძემ განაცხადა, რომ საპარლამენტო უმრავლესობა „უცხოური გავლენის გამჭვირვალობის შესახებ" კანონპროექტს პარლამენტში ხელახლა წარადგენდა. საკანონმდებლო ინიციატივა პარლამენტში იმავე დღეს დააინიცირეს.

ავტორი: ექსპრესნიუსი,

სოციალური ქსელები

რეჟიმის წარმომადგენელი მაჭარაშვილი ამბობს, რომ ფასების კომისია არ პასუხობს გამოწვევებს

ონის მისასვლელთან მეწყერი ჩამოწვა, შეზღუდულია ტრანსპორტის მოძრაობა

3-18 მაისს ნარეკვავი-მცხეთა გზის მარცხენა მხარეს ჩამსვლელ პანდუსზე მოძრაობა შეიზღუდება

ბრიტანეთმა ანტისემიტური თავდასხმების გამო პროპალესტინის დემონსტრაციების აკრძალვა არ გამორიცხა