საქართველოს გენერალურ პროკურატურაში არასრულწლოვანთა მართლმსაჯულების საკითხებზე ტაჯიკეთის რესპუბლიკის დელეგაციასთან შეხვედრა გაიმართა. ამის შესახებ ინფორმაციას გენპროკურატურა ავრცელებს.

გენპროკურატურის ცნობით, გაეროს ბავშვთა ფონდის ინიციატივით გამართულ შეხვედრას ტაჯიკეთის რესპუბლიკის პროკურატურის, სამინისტროების, პრეზიდენტის აპარატის და ტაჯიკეთის რესპუბლიკაში გაეროს ბავშვთა ფონდის ოფისის წარმომადგენლები ესწრებოდნენ.

"გენერალური პროკურორის მოადგილემ, ნათია მერებაშვილმა, დელეგაციის წევრებს არასრულწლოვანთა მართლმსაჯულების სფეროში პროკურატურის მიერ განხორციელებული რეფორმებისა და მიღწეული შედეგების შესახებ ინფორმაცია გააცნო.

ტაჯიკეთის რესპუბლიკის დელეგაციის ხელმძღვანელმა, იუსტიციის მინისტრის მოადგილემ, ალიზოდა ნიგინამ, თავის მხრივ, პროკურატურის წარმომადგენლებს არასრულწლოვანთა მართლმსაჯულების იმპლემენტაციის და შემდგომი სრულყოფის პროცესში გასათვალისწინებელი მნიშვნელოვანი საკითხების გაზიარებისთვის მადლობა გადაუხადა და შემდგომი თანამშრომლობის მზადყოფნა გამოთქვა.

საქართველოს პროკურატურა, წარმატებული გამოცდილების გაზიარების მიზნით, არასრულწლოვანთა მართლმსაჯულების საკითხებზე საინფორმაციო სახის შეხვედრებს დაინტერესებული ქვეყნების სახელმწიფო უწყებების წარმომადგენლებთან სამომავლოდაც გააგრძელებს",- აღნიშნულია გავრცელებულ ინფორმაციაში.

ავტორი: NS (სტატია დაფინანსებულია),

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს