დაცული ტერიტორიების სააგენტოში ტაჯიკეთის დაცული ტერიტორიების, გარემოსდაცვითი კომიტეტის და უსაფრთხოებისა და თანამშრომლობის ორგანიზაციის OSCE წარმომადგენლებთან შეხვედრა გაიმართა. ამის შესახებ ინფორმაციას დაცული ტერიტორიების სააგენტო ავრცელებს.

სააგენტოს ცნობით, სამუშაო შეხვედრაზე, ტაჯიკეთის დელეგაციის წევრები საქართველოში დაცული ტერიტორიების მართვის სისტემის და დაცული ტერიტორიების სააგენტოს საქმიანობის ძირითად მიმართულებებს გაეცნენ. 

"მხარეებმა გარემოსდაცვითი და ეკოტურისტული მიმართულებით ორი ქვეყნის დაცულ ტერიტორიებზე განხორციელებული პროექტებისა და მიზნების შესახებ ინფორმაცია გაცვალეს.

განსაკუთრებული ყურადღება გამახვილდა დაცულ ტერიტორიებზე ბიომრავალფეროვნების დაცვა-მონიტორინგის კუთხით თანამედროვე ტექნოლოგიებზე. აღინიშნა, რომ მნიშვნელოვანი იქნება დაცული ტერიტორიების მართვის მიმართულებით გამოცდილების გაზიარება; მხარეები სამომავლო თანამშრომლობის საკითხზე შეთანხმდეთ. 

ვიზიტის ფარგლებში, დელეგაციის წევრები იმყოფებოდნენ მტირალას, ქობულეთის, კინტრიშის, ჯავახეთის დაცულ ტერიტორიებზე, წალკის და მარტვილის კანიონებზე, სათაფლიას, პრომეთეს და თეთრა მღვიმეებში, ბორჯომ-ხარაგაულის ეროვნულ პარკში და განხორციელებულ პროექტებს და მართვის სპეციფიკას გაეცნენ",- ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს