2024-03-18 12:40:00, 745 ნახვა

---

მერია - პროექტი, რომელიც კასპის 5 ქუჩის მოასფალტებას ითვალისწინებს, დასრულების პროცესშია

კასპში, ვარჯაანის დასახლებაში მიმდინარე პროექტი, რომელიც 5 ქუჩის - ქართლის, ბარათაშვილის, თბილისის, კახეთისა და აჭარის ქუჩების მოასფალტებას ითვალისწინებს, დასრულების პროცესშია. ამის შესახებ ინფორმაციას კასპის მუნიციპალიტეტის მერია ავრცელებს. 

მერიის ცნობით, სამუშაოები რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით მიმდინარეობს, რომელსაც შპს "დინ გრუპი" ახორციელებს.

"პროექტი გარდამავალია - გასულ წელს უკვე კეთილმოეწყო ქართლის, ბარათაშვილის და თბილისის ქუჩები. 

2024 წელს კი პროექტი გაგრძელდა კახეთისა და აჭარის  ქუჩებზე, რომლის სამუშაოების მიმდინარეობას კასპის მუნიციპალიტეტის მერი ვახტანგ მაისურაძე და საკრებულოს თავმჯდომარე შოთა ბეგლარაშვილი ადგილობრივი თვითმმართველობის წარმომადგენლებთან ერთად გაეცნენ",- ნათქვამია მერიის ინფორმაციაში.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი