2024-03-09 12:55:07, 767 ნახვა

---

მუსლიმთა სამმართველო მიმართავს სახელმწიფოს მოახდინოს რეაგირება ადიგენში რელიგიურ დაპირისპირებაზე

საქართველოს მუსლიმთა სამმართველო გმობს ადიგენში მომხდარ დაპირისპირებას და აცხადებს, რომ ადამიანთა ეთნიკური და რელიგიური ნიშნით დევნა კატეგორიულად მიუღებელია.

ისინი სახელმწიფო უწყებებს რეაგირებისკენ, ხოლო მხარეებს სიმშვიდის შენარჩუნებისკენ მოუწოდებენ და მიმართავენ, რომ პროვოკაციებს არ აყვნენ. 

"აღმსარებლობისა და რწმენის თავისუფლება დაცულია ჩვენი ქვეყნის კონსტიტუციით. შესაბამისად, თითოულმა მოქალაქემ პატივი უნდა ვცეთ როგორც კონსტიტუციას ასევე ერთმანეთის ღირებულებებს, განსხვავებული ეთნოსისა და აღმსარებლობის ადამიანებს.

მივმართავთ სახელმწიფოს შესაბამის უწყებებს, დროულად მოიკვლიონ მომხდარი ფაქტი და მოახდინონ შესაბამისი რეაგირება. იმედს გამოვთქვამთ სახელმწიფოს შესაბამისი უწყებების რეაგირებით შესაძლებელი გახდება კონფლიქტის მოგვარება, რათა მომავალში აღარ განმეორდეს მსგავსი შემთხვევები, რაც გამოუსწორებელ ზიანს აყენებს ქართულ ტოლერანტულ და შემწყნარებლურ ტრადიციას", – ნათქვამია განცხადებაში.

ადიგენის ცენტრში მუსლიმებს პარასკევის ლოცვა ჩაუშალეს. ადგილზე პოლიცია იყო მობილიზებული. 

კერძოდ, დაპირისპირება იუსუფ მიქელაძის სახლთან მოხდა. ამის შესახებ ინფორმაციას და შესაბამის ვიდეომასალას გამოცემა ბათუმელები ავრცელებს. 

როგორც გამოცემა წერს, სახლის გარეთ ათეულობით პოლიცია და ადამიანების დიდი ჯგუფი იდგა, მათ შორის იყვნენ მართლმადიდებელი სასულიერო პირებიც. თავად მიქელაძე, სავარაუდოდ, გამოკითხვაზე იმყოფება.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი