ალექსეი ნავალნის ხსოვნისადმი მიძღვნილი წუთიერი დუმილის დროს, რომელიც ოპოზიციამ 26 თებერვალს უნგრეთის პარლამენტში შვედეთის ნატოში მიღების რატიფიცირებასთან დაკავშირებით გამართულ სხდომაზე მოითხოვეს, უნგრეთის პარლამენტში მმართველი პარტია „ფიდესის“ წევრები ფეხზე არ წამოდგნენ.

ვიქტორ ორბანმა აღნიშნა, რომ „ვინც ქართველებს ვირთხებს ეძახდა, პარლამენტში ფეხზე არ უნდა წამოუდგნენ“.

„შოვინისტები უნგრეთის პარლამენტში პატივისცემას არ იმსახურებენ. მათ, ვინც ქართველებს რუსეთ-საქართველოს ომი დროს ვირთხებს ეძახდა, პარლამენტში ფეხზე არ უნდა წამოუდგნენ. მშვიდად განისვენოს“, - განაცხადა ორბანმა.

შეგახსენებთ, რუსეთის სასჯელაღსრულების ფედერალურმა სამსახურმა რუსი ოპოზიციონერის, ალექსეი ნავალნის გარდაცვალების შესახებ ინფორმაცია 16 თებერვალს გაავრცელა. რეგიონული სამმართველო ირწმუნებოდა, რომ გარდაცვალების მიზეზი თრომბი იყო.

მოგვიანებით, კორუფციის წინააღმდეგ ბრძოლის ფონდის პრესმდივანმა, კირა იარმიშმა გაავრცელა ინფორმაცია, რომლის მიხედვითაც, ალექსეი ნავალნის დედისთვის, ლუდმილა ნავალნაიასთვის ნაჩვენებ სიკვდილის შესახებ სამედიცინო დასკვნაში ნათქვამია, რომ სიკვდილის მიზეზები ბუნებრივი იყო. ნავალნის ცხედარი 24 თებერვალს, მის დედას გადაეცა. 

აღსანიშნავია, რომ დიდმა ბრიტანეთმა აქტივები გაუყინა რუსეთის იმ ციხის მაღალჩინოსნებს, რომელშიც რუსი ოპოზიციონერი გარდაიცვალა. გარდა ამისა, ნავალნის თანამებრძოლებმა პოლიტიკოსის სიკვდილის შესახებ დამატებითი ინფორმაციის მისაღებად  €100 000-ს ოდენობით ფულადი ჯილდო დააწესეს.

ავტორი: ექსპრესნიუსი,

სოციალური ქსელები

700 დღე პროტესტი საქართველოში: დაღლასა და დანებებას შორის

ჩერგოლეიშვილი – ყველა აქციიდან გავყრი სააკაშვილის იმ 30 ბანდერლოგს, რომელიც აქციის მესიჯის დისციპლინას თვითმარქვია ბელადის ბანერებით დაარღვევს

დააკავეს პირი რომელიც ყოფილ მეუღლეს სიცოცხლის მოსპობით დაემუქრა, თუ მასთან შერიგებაზე უარს იტყოდა

ძმის ქორწილში მოკლული გურამ ბოიკოს მკვლელობაში ბრალდებული დააკავეს, ბრალდებული წარსულშიც ნასამართლევია