2024-02-24 12:14:54, 829 ნახვა
მსოფლიო
იტალიის, კანადისა და ბელგიის პრემიერ-მინისტრები კიევში ჩავიდნენ
უკრაინაში სრულმასშტაბიანი ომის დაწყების მეორე წლისთავთან დაკავშირებით, იტალიის პრემიერ-მინისტრი ჯორჯია მელონი, კანადის პრემიერ-მინისტრი ჯასტინ ტრუდო და ბელგიის პრემიერ-მინისტრი ალექსანდრ დე კროო კიევში ჩავიდნენ. აღნიშნულის შესახებ ინფორმაციას იტალიის მთავრობის პრესსამსახური ავრცელებს.
მათი ცნობით, იტალიის პრემიერ-მინისტრი ჯორჯია მელონი კიევიდან დიდი შვიდეულის (G7) სახელმწიფოების ლიდერებთან ერთად ვიდეოკონფერენციას გამართავს, რომელსაც უკრაინის პრეზიდენტი ვოლოდიმირ ზელენსკიც დაესწრება.
შეგახსენებთ, რომ დღეს, 24 თებერვალს, უკრაინაში ომის დაწყების 2 წლისთავზე კიევში ევროკომისიის პრეზიდენტი ურსულა ფონ დერ ლეიენი ჩავიდა.
ავტორი: ექსპრესნიუსი,
epn.ge (@expressnews.ge)
