2024-02-23 17:35:32, 801 ნახვა
მსოფლიო
უკრაინამ დანიასთან უსაფრთხოების გარანტიების შესახებ შეთანხმება გააფორმა
უკრაინის პრეზიდენტმა, ვოლოდიმირ ზელენსკიმ და დანიის პრემიერ-მინისტრმა, მეტე ფრედერიკსენმა უკრაინასა და დანიას შორის უსაფრთხოების თანამშრომლობისა და გრძელვადიანი მხარდაჭერის შესახებ ხელშეკრულება გააფორმეს. ამის შესახებ ინფორმაციას უკრაინული მედია ავრცელებს.
მედიის ცნობით, დანია გახდა პირველი ქვეყანა, რომელიც არ არის დიდი შვიდეულის (G7) წევრი, რომელთანაც უკრაინამ აღნიშნული შეთანხმება გააფორმა.
დოკუმენტი დანიის მხრიდან მიმდინარე წლისთვის უკრაინის მხარდაჭერის კონკრეტულ მოცულობას განსაზღვრავს.
ავტორი: ექსპრესნიუსი,
epn.ge (@expressnews.ge)
