თქვენ წინაშე ზის ადამიანი, რომელიც იყო მსოფლიოში ანტიკორუფციული მოძრაობის სიმბოლო და არის და ამას ასამართლებთ - სინდისი ხომ კარგი საქონელია?! - ამის შესახებ საქართველოს მესამე პრეზიდენტმა, მიხეილ სააკაშვილმა სასამართლო პროცესზე კლინიკა "ვივამედიდან" დისტანციურად ჩართვისას განაცხადა.

ექსპრეზიდენტის თქმით, მისი გასამართლება მსოფლიოს დაცინვაა.

"საქართველო იყო მსოფლიოში ნომერ პირველი რეფორმატორი, მათ შორის კორუფციასთან ბრძოლაში და ამ ყველაფრის შემდეგ, თქვენ გინდათ, რომ მე დამაპატიმროთ, კიდევ მომისაჯოთ გაფლანგვასა და კორუფციაზე?! სინდისი ხომ კარგი საქონელია?! თქვენ წინაშე ზის ადამიანი, რომელიც იყო მსოფლიოში ანტიკორუფციული მოძრაობის სიმბოლო და არის და ამას ასამართლებთ. ეს არ არის დაცინვა მარტო ჩემი, ეს არის დაცინვა ქართველი ხალხის და მთელი მსოფლიოსი, რომელმაც ამდენი წიგნი დაწერა, იშრომა, შეისწავლა ჩვენი გამოცდილება, აღფრთოვანდა, შთაგონების წყარო გახდა ჩვენი გამოციდლება",- განაცხადა სააკაშვილმა.

ცნობისთვის, თბილისის საქალაქო სასამართლოში პროცესი დიდი ოდენობით საბიუჯეტო თანხების ჯგუფურად გაფლანგვაში ბრალდებულების, ყოფილი პრეზიდენტის, მიხეილ სააკაშვილისა და სახელმწიფო დაცვის სპეციალური სამსახურის ყოფილი უფროსის, თეიმურაზ ჯანაშიას საქმეზე მიმდინარეობს.

ავტორი: ექსპრესნიუსი,

სოციალური ქსელები

სანჩესი- ამერიკულმა საზოგადოებამ ხმა მისცა იმ პოლიტიკის წინააღმდეგ, რომელიც მხოლოდ გაღარიბებას იწვევს, სიძულვილის წინააღმდეგ, სექსიზმის წინააღმდეგ

სააკაშვილი - ჩვენ მივაღწევთ ნამდვილ არჩევნებს, დავამტკიცებთ, რომ ხელისუფლება ეკუთვნის ხალხს და არა მილიარდერს

მურთაზ ზოდელავამ და ლაშა ბერიძემ საპატიმრო დატოვეს

აშშ-ს შესაძლოა წარმომადგენელთა პალატის პირველი შავკანიანი სპიკერი ჰყავდეს