სომხეთი ჰააგის სისხლის სამართლის საერთაშორისო სასამართლოს დღეიდან ოფიციალურად შეუერთდა. 

მედიის ცნობით, ამის შემდეგ ოფიციალური ერევანი ვალდებულია, დააპატიმროს რუსეთის ფედერაციის პრეზიდენტი ვლადიმერ პუტინი, თუ ის მის ტერიტორიაზე ფეხს დადგამს. 

"ICC რომის სტატუტი ოფიციალურად შევიდა ძალაში სომხეთისთვის 1-ელ თებერვალს",- განუცხადა ქვეყნის ოფიციალურმა წარმომადგენელმა საერთაშორისო სამართლებრივ საკითხებში, იეგიშე კირაკოსიანმა AFP-ს.

შეგახსენებთ, 2023 წლის 17 მარტს, ჰააგის სისხლის სამართლის საერთაშორისო სასამართლომ (ICC) რუსეთის პრეზიდენტის, ვლადიმერ პუტინის დაკავების ორდერი გასცა. პუტინთან ერთად, ასევე ორდერი გაიცა ბავშვთა უფლებების საკითხებში რუსეთის კომისრის, მარია ალექსეევნა ლვოვა-ბელოვას დაპატიმრების მიზნითაც.

ICC-ის მიერ გაცემული დაპატიმრების ორდერები ნიშნავს, რომ სასამართლოს წევრ ნებისმიერ ქვეყანას (123 სახელმწიფოს), რომლის ტერიტორიაზეც ფეხს დადგამენ პუტინი ან მარია ლვოვა-ბელოვა, მათი დაკავებისა და სასამართლოსთვის გადაცემის ვალდებულება აქვს.

ჰააგის სისხლის სამართლის საერთაშორისო სასამართლომ უკრაინის ტერიტორიაზე ომისა და კაცობრიობის წინააღმდეგ სავარაუდოდ ჩადენილი დანაშაულების გამოძიება 2022 წლის მარტში დაიწყო.

ავტორი: ექსპრესნიუსი,

სოციალური ქსელები

ნათია თურნავა ნანა ყეინიშვილზე - სამწუხაროა, რომ გაჩნდა ეჭვები

ფიფიამ და ფარცხალაძემ მოსკოვში ქართველთა და რუსთა ერთობის ფონდი დააფუძნეს

PHR: სტრასბურგის სასამართლომ ნინო დათაშვილის საქმის განხილვა დაიწყო

თბილისის წიგნის დღეებზე საქართველოს ბანკის მომხმარებლები 10-ჯერ მეტ PLUS ქულას დააგროვებენ