"ეკომიგრანტი ოჯახების საცხოვრებლით უზრუნველყოფის" პროგრამის კომისიის სხდომაზე 18 ეკომიგრანტი ოჯახის საკითხი განიხილეს.

სხდომას აჭარის ჯანმრთელობისა და სოციალური დაცვის მინისტრის მოადგილე ედუარდ ნაკაშიძე უძღვებოდა.

"კომისიამ პროგრამაში ჩართვის მიზნით, ხულოს და შუახევის მუნიციპალიტეტების მერიების შუამდგომლობები განიხილა. მათგან 5 ოჯახის საკითხი მასალების დაზუსტების მიზნით, დაუბრუნდა მერიებს, რომლის შემდგომაც შესაძლებელი იქნება თავიდან აღიძრას შუამდგომლობა“,- აღნიშნა  ედუარდ ნაკაშიძემ.

სხდომაზე ასევე განიხილეს "ეკომიგრანტი ოჯახების საცხოვრებლით უზრუნველყოფის პროგრამის" ბენეფიციარების - 21 ოჯახის მიერ შესასყიდად შერჩეული საცხოვრებელი სახლების ექსპერტიზაზე გადაგზავნის საკითხი. 

სამინისტროს "ეკომიგრანტი ოჯახების საცხოვრებლით უზრუნველყოფის" 2024 წლის პროგრამის ფარგლებში, უსაფრთხო საცხოვრისი უკვე 11 ეკომიგრანტმა ოჯახმა შეიძინა. მიმდინარე წელს სამინისტრომ თანადაფინანსების წილი 50 000 ლარამდე გაზარდა და წლის ბოლომდე პროგრამით 100 ოჯახი ისარგებლებს. პროგრამის სრული ბიუჯეტი 5 მილიონ ლარზე მეტია.

ინფორმაციას აჭარის ჯანდაცვის სამინისტრო ავრცელებს.

ავტორი: NS (სტატია დაფინანსებულია),

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს