სენაკის რაიონულმა სასამართლომ "საქართველოს ბანკში" მომხდარი ყაჩაღობის საქმეზე დაკავებულ ანრი ლოლუას აღკვეთის ღონისძიების სახით 2-თვიანი პატიმრობა შეუფარდა.

საქმეზე გადაწყვეტილება მოსამართლე დარეჯან კვარაცხელიამ ცოტა ხნის წინ გამოაცხადა.

"როგორც მოგეხსენებათ, ბრალდების მხარე შუამდგომლობდა ბრალდებულის მიმართ აღკვეთის ღონისძიების სახით პატიმრობის გამოყენებას და სასამართლოს მხრიდან დაკმაყოფილდა აღნიშნული შუამდგომლობა. სასამართლომ მიიჩნია, რომ ბრალდების მხარის შუამდგომლობა იყო დასაბუთებული, ნამდვილად არსებობდა ბრალდებულის მხრიდან, როგორც მოწმეებზე ზემოქმედების, ისე მიმალვისა და ახალი დანაშაულის ჩადენის საფრთხე. შესაბამისად, მოსამართლემ სრულად გაიზიარა ბრალდების მხარის არგუმენტაცია და აღკვეთის ღონისძიების სახით ბრალდებულს პატიმრობა შეეფარდა", - განაცხადა საქმის პროკურორმა.

შეგახსენებთ, რომ ანრი ლოლუა 26 იანვარს, დანით შეიარაღებული ბრალდებული თავს დაესხა  სენაკში მდებარე "საქართველოს ბანკის" თანამშრომლებს, რომლებიც იმ დროისთვის მოქალაქესთან საბანკო ოპერაციას ახორციელებდნენ - თავდამსხმელი დანის დემონსტრირებით დაეუფლა მოქალაქის კუთვნილ 900 ევროს და შემთხვევის ადგილიდან მიიმალა.  

სამართალდამცველებმა ბრალდებული იმავე დღეს დააკავეს.  მას ბრალდება საქართველოს სისხლის სამართლის კოდექსის 179-ე მუხლის 1-ლი ნაწილით (ყაჩაღობა, ჩადენილი სიცოცხლითვის და ჯანრთელობის საშიში ძალადობის გამოყენების მუქარით) წარედგინა, რაც სასჯელის სახედ და ზომად 5-დან 7 წლამდე თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს