გარემოს დაცვისა და სოფლის მეურნეობის მინისტრმა, ოთარ შამუგიამ და ამერიკის შეერთებული შტატების სოფლის მეურნეობის დეპარტამენტის რეგიონულმა ხელმძღვანელმა, მაიკლ ფრენკომმა სასოფლო-სამეურნეო პროდუქციით ვაჭრობის საკითხები, მესაქონლეობის დარგში არსებული მდგომარეობა, კვლევის „საქართველოს ხორბლის სექტორის შეფასება“ შედეგები და ამ მიმართულებით არსებული გამოწვევები განიხილეს. 

ოთარ შამუგიამ აშშ-ის სოფლის მეურნეობის დეპარტამენტს წლების განმავლობაში გაწეული მხარდაჭერისთვის მადლობა გადაუხადა.

„ამერიკის შეერთებული შტატების სოფლის მეურნეობის დეპარტამენტთან წლების განმავლობაში ნაყოფიერი თანამშრომლობა გვაკავშირებს; ერთობლივად არაერთ პროგრამას ვახორციელებთ და მნიშვნელოვანი შედეგები გვაქვს. სოფლის მეურნეობის სექტორში ჩვენთვის პრიორიტეტული მიმართულებებია მესაქონლეობის დარგის მხარდაჭერა-განვითარება, სასოფლო-სამეურნეო სექტორში თანამედროვე ტექნოლოგიების და სურსათის უვნებლობის სტანდარტების დანერგვის ხელშეწყობა, აგროსასურსათო პროდუქციის პოპულარიზაცია. ფერმერებისა და მეწარმეების მხარდაჭერა მიზნობრივი  პროგრამებით, რომელსაც ვახორციელებთ, რა თქმა უნდა, მომავალშიც გაგრძელდება. ჩვენ აქტიურად ვმუშაობთ ასოცირების ხელშეკრულებით ნაკისრი ვალდებულებების შესასრულებლად როგორც სოფლის მეურნეობის, ისე გარემოს დაცვის მიმართულებებით. ევროკავშირის წევრობის კანდიდატის სტატუსის მიღების შემდეგ, USDA-ის და ჩვენი სხვა პარტნიორების მხარდაჭერა კიდევ უფრო მნიშვნელოვანი იქნება“, - განაცხადა ოთარ შამუგიამ.

მინისტრმა შეხვედრაზე ყურადღება გაამახვილა კანზასის სახელმწიფო უნივერსიტეტის (აშშ) კვლევაზე „საქართველოს ხორბლის სექტორის შეფასება“, რომელიც USDA-ის მხარდაჭერით განხორციელდა.

ოთარ შამუგიამ კვლევის შედეგებს და ხორბლის წარმოებისა და რეალიზაციის მიმართულებით არსებულ გამოწვევებს გაუსვა ხაზი.

როგორც მინისტრმა აღნიშნა, ხარისხიანი სათესლე მასალის გამოყენებას, ღონისძიებების კალენდარულ ვადებში განხორციელებას და სარწყავი ინფრასტრუქტურის გაუმჯობესებას გამოწვევების დაძლევის მიმართულებით მნიშვნელოვანი ადგილი უკავია.

შეხვედრაზე ოთარ შამუგიამ სარწყავი ინფრასტრუქტურის გაუმჯობესების მიმართულებით სახელმწიფოს მიერ გადადგმულ ნაბიჯებზეც ისაუბრა.

ამერიკის შეერთებული შტატების სოფლის მეურნეობის დეპარტამენტის რეგიონულმა დირექტორმა, მაიკლ ფრენკომმა აღნიშნა, რომ ევროკავშირის წევრობის კანდიდატის სტატუსის მიღება საქართველოსთვის მნიშვნელოვანი წინგადადგმული ნაბიჯი იქნება.

მაიკლ ფრენკომმა ასევე ხაზი გაუსვა „ტრანსკასპიის საერთაშორისო სატრანსპორტო დერეფანში“ საქართველოს როლის მნიშვნელობასა და ამ მიმართულებით ქვეყნის პოტენციალს.

შეხვედრას გარემოს დაცვისა და სოფლის მეურნეობის მინისტრის მოადგილე თენგიზ ნასარიძე, გარემოს დაცვისა და სოფლის მეურნეობის სამინისტროს შესაბამისი სამსახურების და აშშ-ის სოფლის მეურნეობის დეპარტამენტის წარმომადგენლები ესწრებოდნენ.

ავტორი: NS (სტატია დაფინანსებულია),

სოციალური ქსელები

სტივენ კინგი - დონალდ ტრამპი - ბევრად უფრო საზარელია, ვიდრე ნებისმიერი მონსტრი, ბოროტმოქმედი თუ სულებით სავსე სასტუმრო

ეუთო-ს საპარლამენტო ასამბლეის ვიცე-პრეზიდენტი - შეწყვიტეთ ოპოზიციური პარტიების აკრძალვის მცდელობა და დაუბრუნდით დემოკრატიის გზას

პროკურატურა - თამაზ ელიზბარაშვილმა საპროცესო შეთანხმება მოითხოვა მისი განმარტებით, მისთვის ფიზიკური შეურაცხყოფა არ მიუყენებიათ

პენტაგონი ახლო აღმოსავლეთში განლაგებული ობიექტებიდან ჯარისკაცების ნაწილს გაიყვანს