2023-12-05 19:37:36, 698 ნახვა
მსოფლიო
ვულკან მარაპის ამოფრქვევის შედეგად დაღუპულთა რიცხვი 23-მდე გაიზარდა
ინდონეზიაში, ვულკან მარაპის ამოფრქვევის შედეგად დაღუპულთა რიცხვი 23-მდე გაიზარდა. ამის შესახებ ინფორმაციას Euronews ავრცელებს.
როგორც მედიასაშუალება წერს, 12 დაშავებული მთამსვლელი ამ დროისთვის საავადმყოფოში მკურნალობს, ხოლო სამაშველო სამსახურს მუშაობაში ხელს ხშირი ვულკანური ამოფრქვევები უშლის.
"მარაპი ჯერ კიდევ ძალიან აქტიურია. ჩვენ ვერ ვხედავთ ამოფრქვევის სიმაღლეს, რადგან ის ღრუბლებით არის დაფარული", - განაცხადა მარაპის მონიტორინგის განყოფილების ხელმძღვანელმა, აჰმად რიფანდიმ.
ცნობისთვის, კუნძულ სუმატრაზე მდებარე ვულკან მარაპის ყველაზე მასშტაბური ამოფრქვევა 1979 წელს მოხდა, რასაც 60 ადამიანი ემსხვერპლა.
ავტორი: ექსპრესნიუსი,
epn.ge (@expressnews.ge)
