შუახევის მუნიციპალიტეტს კიდევ ერთი საბავშვო ბაღი შეემატება - შუახევის მერიის ცნობით, ახალი, თანამედროვე სტანდარტების ბაღის მშენებლობა სოფელ დღვანში დასრულების ეტაპზეა.

მათივე ინფორმაციით, სამუშაოების მიმდინარეობას შუახევის მერი ომარ ტაკიძე, მოადგილე გურამ ზოიძესთან და სხვა ხელმძღვანელ პირებთან ერთად გაეცნო.

"პროექტის ფარგლებში აშენდა ერთსართულიანი კაპიტალური შენობა, სადაც მოეწყო საძინებლები, გასართობი ოთახები, სველი წერტილები, სამზარეულო. დამონტაჟდა ცენტრალური გათბობის თანამედროვე სისტემა და შენობა ადაპტირებულია შშმ პირთათვის.

შენობა სრულად აღიჭურვა საჭირო ინვენტარითა და ტექნიკით. ამ ეტაპზე მიმდინარეობს ეზოს კეთილმოწყობა, ავეჯისა და სამზარეულოს ინვენტარის განთავსება. სამშენებლო სამუშაოებზე სულ 268 000 ლარამდე დაიხარჯება.

ახალი საბავშვო ბაღი აღსაზრდელებს 2024 წლიდან მიიღებს, რომელიც გათვლილი იქნება ორ შერეული ასაკის მქონე ჯგუფზე. დასაქმდება 10-ზე მეტი ადგილობრივი.

აქტიური სამუშაოები მიმდინარეობს მახალაკიძეების ბაგა-ბაღზე. ამ ეტაპზე  შიდა და გარე მოსაპირკეთებელი სამუშაოები მიმდინარეობს. კეთილმოეწყობა საბავშვო ბაღის ეზო და დამონტაჟდება ატრაქციონები",- ნათქვამია მერიის ინფორმაციაში. 

ავტორი: NS (სტატია დაფინანსებულია),

სოციალური ქსელები

პაპუაშვილი სანაიას პატიმრობაზე: თუ საჯარო სივრცეში უხამსობის სითამამე აქვს, პასუხიც უნდა აგოს

„ათასწლეულის ინოვაციის კონკურსის“ 10 ფინალისტი გუნდი გამოვლინდა. ლიბერთი, ბაზისბანკ ჯგუფი უკვე 5 წელია კონკურსის სტრატეგიული პარტნიორია

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს