2023-11-26 15:14:51, 823 ნახვა
მსოფლიო
ბერბოკი - უკრაინის ევროკავშირში გაწევრიანება ჩვენს გეოპოლიტიკურ ინტერესებშია
უკრაინა გააძლიერებს ევროკავშირს უახლოეს მომავალში,- ამის შესახებ გერმანიის საგარეო საქმეთა მინისტრმა, ანალენა ბერბოკმა "კავშირი 90/მწვანეების" ყრილობაზე სიტყვით გამოსვლისას განაცხადა.
ბერბოკის თქმით, ევროპაში ე.წ. ნაცრისფერი ზონები აღარ უნდა დარჩეს.
"დღეს ნათელია, რომ უკრაინა გააძლიერებს ევროკავშირს უახლოეს მომავალში. უკრაინის გაწევრიანება ჩვენს გეოპოლიტიკურ ინტერესებშია. ევროპაში ე.წ. ნაცრისფერი ზონები აღარ უნდა დარჩეს“,- თქვა ბერბოკმა.
მისივე განცხადებით, აუცილებელია, რომ ევროკავშირში გაწევრიანების პერსპექტივა საქართველოს, მოლდოვასა და დასავლეთ ბალკანეთის ქვეყნებსაც ჰქონდეთ.
ავტორი: ექსპრესნიუსი,
epn.ge (@expressnews.ge)
