ჩვენი კარი დაიხურება NGO-ებისთვის, რომლებიც აფხაზეთს ოკუპირებულ ტერიტორიად განიხილავენ,- ამის შესახებ დროებით ოკუპირებული აფხაზეთის ე.წ. საგარეო საქმეთა მინისტრმა, ინალ არძინბამ განაცხადა.

არძინბა 16 ნოემბერს სოხუმში მოქმედი საერთაშორისო არასამთავრობო ორგანიზაციების ოფისების ხელმძღვანელებს შეხვდა და მათთან "ურთიერთქმედების აქტუალური საკითხები" განიხილა.

ოკუპირებული აფხაზეთის ე.წ. საგარეო საქმეთა სამინისტროს მედიაცენტრის ინფორმაციით, შეხვედრაზე განხილვის საგანი იყო ასევე საერთაშორისო სტრუქტურების პროექტების კოორდინაციის ახალი მიდგომები, რაც მალე აისახება "ოფიციალურ" დოკუმენტში - აფხაზეთის ე.წ. პრეზიდენტის ასლან ბჟანიას "ბრძანებულებაში".

როგორც არძინბამ აღნიშნა, გაეროს სააგენტოებმა უარი განაცხადეს შეხვედრაში მონაწილეობაზე, რაც აღიქმება, "როგორც არაგამჭვირვალე საქმიანობის დადასტურება და ინფორმაციის დამალვის მცდელობა". 

"მათთვის, ვისაც სურს გაანადგუროს აფხაზეთ-რუსული ურთიერთობები და აფხაზეთის რესპუბლიკა ოკუპირებულ ტერიტორიად განიხილოს, უახლოეს მომავალში ჩვენი კარი დაიხურება",- თქვა ე.წ. საგარეო საქმეთა მინისტრმა.

მისივე განცხადებით, ამერიკის შეერთებული შტატების საერთაშორისო განვითარების სააგენტოს - USAID-ის ოფიციალურ ვებგვერდზე გამოქვეყნდა ინფორმაცია იმის შესახებ, რომ ოკუპირებულ აფხაზეთში მიმდინარეობს პროექტები, რომლებიც მიზნად ისახავს "კრემლის მავნე გავლენის წინააღმდეგ ბრძოლას“, ასევე "საქართველოს ტერიტორიული მთლიანობის აღდგენას“.

არძინბამ ხაზგასმით აღნიშნა, რომ გაეროს სააგენტოები ე.წ. საგარეო საქმეთა სამინისტროს "დეზინფორმაციას აწვდიან"  მათ მიერ განხორციელებული პროექტების რეალურ მიზნებსა და ამოცანებთან დაკავშირებით.

ავტორი: ექსპრესნიუსი,

სოციალური ქსელები

ფინანსური განათლების სასერტიფიკატო კურსს 100-მდე ახალგაზრდა დაესწრო - პროექტის მხარდამჭერია საქართველოს ბანკი

ევროკავშირმა და სომხეთმა დაკავშირებადობის სფეროში პარტნიორობის შესახებ შეთანხმება გააფორმეს

რასა იუკნევიჩიენე: სამხრეთ კავკასიაში ევროკავშირის პერსპექტივა ცოცხალია, თუმცა მესმის ქართველების იმედგაცრუება, რომ თბილისი ამის მიღმა დარჩა

კობახიძეს ჯერა, რომ ევროპარლამენტარები თავს ესხმიან საქართველოში მედიის თავისუფლებას