თემესტია ნიშნიანიძე - დღენაკლი ახალშობილია, რომელიც 7 ივლისს 500 გრ დაიბადა და სიმბოლურად, კლინიკა დღენაკლ ბავშვთა საერთაშორისო დღეს დატოვა. ახალშობილი ჯანმრთელობის ცენტრ “მედინაში” გაჩნდა და 4 თვე ბავშვთა რეანიმაციულ განყოფილებაში დაჰყო. თემესტია ბინაზე 2, 400 კგ, სრულიად ჯანმრთელი გაეწერა. აღნიშნულის შესახებ ინფორმაციას აჭარის ჯანდაცვის სამინისტრო ავრცელებს.

უწყების ცნობით, თემესტიას აჭარის ჯანმრთელობისა და სოციალური დაცვის სამინისტროს “უშვილობის დიაგნოსტიკისა და მკურნალობის” პროგრამის ფარგლებში მეათე დაბადებული ბავშვია. ახალშობილი კლინიკიდან, საზეიმოდ მინისტრის პირველმა მოადგილემ, მარი ზანაქიძემ და ჯანმრთელობის ცენტრ “მედინას” ადმინისტრაციამ ექიმებთან ერთად გააცილა.

“ვულოცავ ოჯახს ამ მნიშვნელოვან დღეს და თემესტიას ჯანმრთელობას ვუსურვებთ. იშვიათია და კლინიკის დიდი გამარჯვებაა 500 გრ-იანი ახალშობილის გაზრდა. აჭარის ჯანდაცვის სამინისტრო 2022 წლის ივლისიდან ახორციელებს უშვილობის დიაგნოსტიკისა და მკურნალობის პროგრამას. ამ ხნის განმავლობაში შეიცვლა და გაიზარდა დაფინანსების წესი, გაფართოვდა ბენეფიციართა წრე. პროგრამის ფარგლებში უკვე დაიბადა 10 ბავშვი, ამჟამად შვილს ელოდება 14 წყვილი. მომავალი წლიდან პროგრამას ბენეფიციარებად დაემატება სკოლამდელი და ზოგადსაგანმანათლებლო დაწესებულებების პედაგოგები/პერსონალი”, - აღნიშნა მინისტრის პირველმა მოადგილემ, მარი ზანაქიძემ.

ჯანმრთელობის მსოფლიო ორგანიზაციის განმარტებით დღენაკლია ახალშობილი, რომელიც ნაადრევად, ორსულობის 37 კვირის ვადამდე იბადება.

დღენაკლ ბავშვთა საერთაშორისო დღე პირველად 2011 წელს ახალშობილთა მზრუნველობის ევროპული ფონდისა (EFCN) და მისი პარტნიორი ორგანიზაციების მიერ აღინიშნა. 200-ზე მეტი ქვეყანა მონაწილეობს აქტივობებში და 60-ზე მეტმი ქვეყანა გეგმავს სპეციალურ ღონისძიებებს, რათა გაზარდონ მოსახლეობის ინფორმირებულობის დონე დღენაკლი ბავშვების, ახალშობილებისა და დედათა ჯანმრთელობის შესახებ.

საინფორმაციო-საგანმანათლებლო ღონისძიებები მიზნად ისახავს ნაადრევი მშობიარობების რიცხვის შემცირებას და დღენაკლ ბავშვთა მოვლის გაუმჯობესებას საზოგადოების განათლების გზით.

ავტორი: NS (სტატია დაფინანსებულია),

სოციალური ქსელები

პლასტმასის ბოთლებში სასმლის წარმოების იმპორტისა და ბაზარზე განთავსების რეგულაციის ამოქმედება 4 წლით გადავადდა

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის