დარწმუნებული ვარ, რომ სამართლიანი მშვიდობის აღდგენა და რუსეთის აგრესიული ყოფნის დემონტაჟი, განსაკუთრებით შავ ზღვაში, დაეხმარება საქართველოს ტერიტორიული მთლიანობის აღდგენაში და კავკასიის ყველა სახელმწიფოს ეროვნული უსაფრთხოების უფრო მეტ გარანტიებს შექმნის, - ამის შესახებ უკრაინის პრეზიდენტმა, ვოლოდიმირ ზელენსკიმ შავი ზღვის ეკონომიკური თანამშრომლობის საპარლამენტო ასამბლეაზე განაცხადა.

ზელენსკის თქმით, რუსეთმა შავი ზღვა საქართველოს წინააღმდეგ აგრესიისთვის 2008 წელს გამოიყენა, ხოლო 2022 წლის 24 თებერვალს, ფართომასშტაბიანი ომის დაწყებისთანავე, უკრაინის რეგიონისა და შავი ზღვის იარაღად გადაქცევა სცადა.

"რუსეთმა შავი ზღვა საქართველოს წინააღმდეგ აგრესიისთვის 2008 წელს გამოიყენა. ომისა და ქაოსის გაღვივება ახლო აღმოსავლეთში, კერძოდ სირიაში. ყირიმის დაპყრობით დაიწყო ჰიბრიდული ომი უკრაინისა და მთელი ევროპის წინააღმდეგ...

24 თებერვალს, ფართომასშტაბიანი ომის დაწყებისთანავე, რუსეთმა სცადა ჩვენი რეგიონისა და შავი ზღვის იარაღად გადაქცევა და არა მხოლოდ უკრაინის წინააღმდეგ. ჩვენი პორტების ბლოკადა და ჩვენი პორტისა და საექსპორტო ინფრასტრუქტურის მიზანმიმართული განადგურება აგრესორს სჭირდებოდა, რათა გაენადგურებინა სურსათის მსოფლიო ბაზარი და ამით გამოეწვია ქაოსის ახალი აფეთქებები მსოფლიოს სხვადასხვა კუთხეში. ჩვენი თანამშრომლობის წყალობით ეს ყველაფერი ჩერდება. გთხოვთ, გადახედოთ რას მივაღწიეთ ერთად ამ სრულმასშტაბიანი ომის დროს.

ჩვენ შევძელით გვეჩვენებინა, რომ შავი ზღვის რეგიონის ხალხებს შორის თანამშრომლობას და პარტნიორების მხარდაჭერით, სურსათის მსოფლიო ბაზარზე სტაბილურობის აღდგენა შესაძლებელია.... ჩვენ შევძელით შავ ზღვაში რუსეთისვის ინიციატივის წართმევა და უსაფრთხოების პირობების შექმნა, რომელმაც აგრესორს აიძულა გაქცეულიყო ამ ტერიტორიდან და დაემალა სამხედრო გემები.

ასევე მინდა აღვნიშნო, რომ ახლა რუსეთს არ შეუძლია გამოიყენოს შავი ზღვა, როგორც პლაცდარმი მსოფლიოს სხვა რეგიონების დესტაბილიზაციისთვის.

მადლობელი ვარ ყველა ლიდერის, სახელმწიფოს, ხალხის, რომელთა საქმიანობა ხელს უწყობს საერთაშორისო წესრიგის დაცვას და უფრო მეტ მშვიდობასა და უსაფრთხოებას უზრუნველყოფს მსოფლიოსათვის. მადლობას ვუხდი ჩვენ მეზობლებს რეგიონში - თურქეთს, ბულგარეთს, რუმინეთს, მოლდოვას - გლობალური უსაფრთხოების მხარეზე ყოფნისთვის. დარწმუნებული ვარ, რომ სამართლიანი მშვიდობის აღდგენა და რუსეთის აგრესიული ყოფნის დემონტაჟი, განსაკუთრებით შავ ზღვაში, დაეხმარება საქართველოს ტერიტორიული მთლიანობის აღდგენაში და კავკასიის ყველა სახელმწიფოს ეროვნული უსაფრთხოების უფრო მეტ გარანტიებს შექმნის", - განაცხადა ზელენსკიმ.

ავტორი: ექსპრესნიუსი,

სოციალური ქსელები

ფინანსური განათლების სასერტიფიკატო კურსს 100-მდე ახალგაზრდა დაესწრო - პროექტის მხარდამჭერია საქართველოს ბანკი

ევროკავშირმა და სომხეთმა დაკავშირებადობის სფეროში პარტნიორობის შესახებ შეთანხმება გააფორმეს

რასა იუკნევიჩიენე: სამხრეთ კავკასიაში ევროკავშირის პერსპექტივა ცოცხალია, თუმცა მესმის ქართველების იმედგაცრუება, რომ თბილისი ამის მიღმა დარჩა

კობახიძეს ჯერა, რომ ევროპარლამენტარები თავს ესხმიან საქართველოში მედიის თავისუფლებას