მეორე დღეა, დახურულ კარს მიღმა ევროკომისია მსჯელობს, როგორ დაწეროს დასკვნა, რომელიც ქართველ ხალხს მისცემს შანსს, მიიღოს კანდიდატის სტატუსი, როდესაც მისმა ხელისუფლებამ არ შეასრულა ევროკავშირის მოთხოვნები. წესით გაწევრიანებაზე მოლაპარაკებებს უკრაინასთან და მოლდოვასთან ერთად უნდა ვხსნიდეთ, რუსები რომ არ გვყოლოდა ქვეყნის სათავეში, - ამის შესახებ ოპოზიციონერი დეპუტატი სალომე სამადაშვილი სოციალურ ქსელში წერს.

სამადაშვილის განცხადებით, ევროპული მომავლისთვის მსჯელობა, სავარაუდოდ, პოზიტიური სიგნალით სრულდება. 

"მეორე დღეა, დახურულ კარს მიღმა ევროკომისია მსჯელობს, როგორ დაწეროს დასკვნა, რომელიც ქართველ ხალხს მისცემს შანსს, მიიღოს კანდიდატის სტატუსი, როდესაც მისმა ხელისუფლებამ არ შეასრულა ევროკავშირის მოთხოვნები.

განიხილავდნენ, რომ საერთოდ არ გაეცათ არანაირი რეკომენდაცია - არც სტატუსის მინიჭებაზე და არც გადადებაზე, წევრი ქვეყნებისთვის მიენდოთ გადაწყვეტილება. ამის უფლებას კი, ევროკავშირის დამფუძნებელი ხელშეკრულება არ აძლევს - ევროკომისიამ თუ ‘მომწვანო’ შუქი მაინც არ მისცა, წევრი ქვეყნები ვერ გასცემენ დადებით პასუხს.

ორი დღის მსჯელობა და ხელისუფლების გამოკლებით მთელი ქვეყნის თავდადება ევროპული მომავლისთვის, სავარაუდოდ, სრულდება პოზიტიური სიგნალით. იმედი მაქვს, რომ პირობითი ფორმით, კანდიდატის სტატუსის რეკომენდაცია გაიცემა.

დაველოდოთ ევროკომისიის ანგარიშს, მე მას ევროპარლამენტში მოვისმენ, საქართველოს გულშემატკივრებთან ერთად.

წესით, მოლაპარაკებებს უნდა ვხსნიდეთ გაწევრიანებაზე უკრაინასთან და მოლდოვასთან ერთად, რუსები რომ არ გვყოლოდა ქვეყნის სათავეში", - წერს სამადაშვილი.

ცნობისთვის, დღეს, 8 ნოემბერს ევროკომისია გაფართოების შესახებ ანგარიშს გამოაქვეყნებს.

ანგარიშში განიხილება, საქართველოს მიერ 12 რეკომენდაციის შესრულება, რომლის საფუძველზე ევროპულმა საბჭომ ქვეყნისთვის ევროკავშირის წევრობის კანდიდატის სტატუსის მინიჭების საკითხი უნდა გადაწყვიტოს.

ავტორი: ექსპრესნიუსი,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება