შუახევში მასწავლებლის ეროვნული დღისადმი მიძღვნილი საზეიმო ღონისძიება გაიმართა. 

შუახევის მერიის ცნობით, მასწავლებლის ეროვნული დღე პედაგოგებს შუახევის მუნიციპალიტეტის მერმა ომარ ტაკიძემ, საკრებულოს თავმჯდომარე როსტომ ლორთქიფანიძემ, აჭარის განათლების, კულტურისა და სპორტის მინისტრმა მაია ხაჯიშვილმა, საქართველოს პარლამენტისა და  აჭარის უმაღლესი საბჭოს მაჟორიტარმა დეპუტატებმა - ანზორ ბოლქვაძემ,  ფრიდონ ფუტკარაძემ, რესურსცენტრის უფროსმა ედუარდ გოგრაჭაძემ და სხვა ხელმძღვანელმა პირებმა მიულოცეს.

"ღონისძიებას დაწყებითი კლასის მასწავლებლები და ღვაწლმოსილი პედაგოგები ესწრებოდნენ, რომლებსაც სიგელები და ფასიანი საჩუქრები გადაეცათ.

შეხვედრის მიზანია, მასწავლებელთა მხარდაჭერა, მათი დაფასება, საქმიანობისა და ღვაწლის წარმოჩენა. ღონისძიებას მუსიკალურად აფორმებდა  გოგონათა ბენდი "117", ხელოვნების სკოლის გუნდი და გიტარის წრის მოსწავლეები.

მასწავლებლის ეროვნული დღე, წელს პირველად, საქართველოს მთავრობის ინიციატივით 27 ოქტომბერს დაწესდა, რომელიც საქართველოში მეცნიერული პედაგოგიკის ფუძემდებლის, პუბლიცისტის, საბავშვო მწერლისა და საზოგადო მოღვაწის იაკობ გოგებაშვილის დაბადების თარიღს უკავშირდება",- ნათქვამია მერიის ინფორმაციაში. 

ავტორი: NS (სტატია დაფინანსებულია),

სოციალური ქსელები

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება

ერთი პირი სტუმრად ყოფნისას შეუძლოდ გახდა და გარდაიცვალა, ორმა მამაკაცმა ცხედარი ტყეში დამალეს და მიიმალნენ

აქედან არ გავალთ,- ოჯახები, რომლებსაც საკუთრებას ჩამოართმევენ

ყველაზე მასშტაბური გუნდური ოლიმპიადა საქართველოში - როგორია საქართველოს ბანკის და კომაროვის STEM ოლიმპიადა