მივიღეთ გადაწყვეტილება, რომ სათამაშო ბიზნესს გადასახადები გავუზარდოთ, საიდანაც მომდევნო წელს 400 მილიონი ლარი იქნება ამოღებული, - ამის შესახებ საქართველოს პრემიერ-მინისტრმა, ირაკლი ღარიბაშვილმა მთავრობის სხდომაზე განაცხადა.

პრემიერის თქმით, სათამაშო ბიზნესი მოგების 15%-იანი განაკვეთით, ხოლო სათამაშო ბიზნესიდან თანხის გატანა 5%-ით დაიბეგრება.

„საპარლამენტო უმრავლესობას წავრუდგინეთ ახალი ინიციატივა, სათამაშო ბიზნესის დაბეგვრის განაკვეთი უნდა შეცვალოთ და გეგმის მიხედვით, ახალი ინიციატივით, სათამაშო ბიზნესი დაიბეგრება მოგების 15%-იანი განაკვეთით, ნაცვლად დღეს არსებული 10%-სა, ხოლო სათამაშო ბიზნესიდან თანხის გატანა დაიბეგრება 5%-ით, დღეს მოქმედი 2%-ის ნაცვლად. მინდა, საზოგადოებას ვაცნობო, რომ აღნიშნული ცვლილებები ბიუჯეტში დამატებით მოიტანს 400 მილიონ ლარს. 300 მილიონი ბანკებიდან, 400 მილიონი სათამაშო ბიზნესიდან, ცვლილების შედეგად, ჯამში 700 მილიონი შემოსავლები გვექნება 2024 წელს.

აქვე მინდა, გაკვირვება გამოვხატო, ძალიან სამწუხაროა ის ფაქტი, რომ სათამაშო ბიზნესის ბრუნვა იზრდება. მე ნამდვილად არ მიხარია. ძალიან ბევრი მოქალაქე ჯერ კიდევ არის ჩართული ამ სათამაშო ბიზნესში. ცნობისთვის, 2022 წელს 48 მილიარდიდან 52 მილიარდ ლარამდე გაიზარდა სათამაშო ბიზნესის მთელი ბრუნვა, რაც კატასტროფული მაჩვენებელია. ამდენი ადამიანი ჯერ კიდევ არის ჩართული სათამაშო ბიზნესი.

იცით, რომ ჩვენ შარშან გავაკეთეთ მნიშვნელოვანი ცვლილებები, როცა ავკრძალეთ რეკლამა და 25 წლამდე შევუზღუდეთ ჩვენს მოქალაქეებს სათამაშო ბიზნესში მონაწილეობა. ავტომატურად მილიონ 500 ათას მოქალაქეს შეეზღუდა სათამაშო ბიზნესი მონაწილეობა. ამის მიუხედავად, ვხედავთ, რომ საკმაოდ ბევრი მოქალაქეა ჩართული სათამაშო ბიზნესში. მივიღეთ გადაწყვეტილება, რომ გავუზარდოთ გადასახადები ამ ბიზნესს და დამატებით 400 მილიონი ლარი იქნება ამოღებული მომდევნო წელს. ჯამში, ბიუჯეტის გადამუშავებული ვარიანტი გაიზრდება 700 მილიონით და ნაერთი ბიუჯეტი შეადგენს 28 მილიარდ 500 მილიონ ლარს. ეს იქნება 2024 წლის ბიუჯეტი“, - განაცხადა ღარიბაშვილმა.

ავტორი: ექსპრესნიუსი,

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს