ბევრი გაკეთდა, მაგრამ ჩემი აზრით, უფრო მეტის გაკეთება იყო შესაძლებელი,- ამის შესახებ საქართველოში ევროკავშირის ელჩმა, პაველ ჰერჩინსკიმ 12 რეკომენდაციასთან დაკავშირებით განაცხადა.

როგორც ჰერჩინსკიმ პრეზიდენტ სალომე ზურაბიშვილთან შეხვედრის შემდეგ, მედიის წარმომადგენლებთან საუბრისას აღნიშნა, "ჭიქა ნახევრად სავსეა და ნახევრად ცარიელიც".

"ბევრი გაკეთდა, მაგრამ ჩემი აზრით, უფრო მეტის გაკეთება იყო შესაძლებელი. თუ შევხედავთ პირველ პრიორიტეტს, რაც არის პოლარიზაცია, ყველამ უნდა ვაღიაროთ, რომ პოლარიზაცია ისევ არსებობს. თუ შევხედავთ დეოლიგარქიზაციას, არსებობს სამოქმედო გეგმა, მაგრამ სამოქმედო გეგმა განსაზღვრავს, რა ნაბიჯები გადაიდგმება მომვალში. ამიტომ, ჩვენ მნიშვნელოვანი პროგრესი არ გვაქვს და ნაბიჯები ბევრია გადასადგმელი. წინ კიდევ წელიწადნახევარია, ამ დროის მანძილზე უფრო მეტია გასაკეთებელი. ასე რომ, ჭიქა ნახევრად სავსეა და ნახევრად ცარიელიც. ამაზე მსჯელობა შეიძლება",- ამბობს ჰერჩინსკი.

ცნობისთვის, დღეს, 25 ოქტომბერს პრეზიდენტი სალომე ზურაბიშვილი ევროკავშირის წევრი ქვეყნების ელჩებს შეხვდა. შეხვედრას ესწრებოდა საქართველოში ევროკავშირის ელჩი პაველ ჰერჩინსკიც.

ავტორი: ექსპრესნიუსი,

სოციალური ქსელები

XC60 - 110 000 ლარად, XC90 - 145 000 ლარად - „ვოლვო ქარ საქართველოს“ უპრეცედენტო შეთავაზება ფლაგმან მოდელებზე

ამანათების გამოგზავნა ამერიკიდან საქართველოში სპეციალური ტარიფით - საქართველოს ბანკისა და Boxette-ის შეთავაზება

პაპუაშვილი – ჰერჩინსკიმ ტონს დაუწიოს, აგდებული ტონი დატოვოს საელჩოში

„საუკეთესო ავტოგაქირავების კომპანია აღმოსავლეთ ევროპაში“ - Europcar Georgia World Luxury Travel Awards-ის გამარჯვებული მეოთხედ გახდა