2023-10-16 12:40:55, 634 ნახვა
საზოგადოება
„არ მინდა, ჟურნალისტიკიდან რომელიმე პარტიისთვის მუშაობა, მხარდამჭერიც რომ ვიყო“ - „იმედს“ ჟურნალისტი ტოვებს
ტელეკომპანია "იმედს" ჟურნალისტი ქეთი ფარცხალაძე ტოვებს. ამის შესახებ ჟურნალისტი სოციალურ ქსელში წერს.
ფარცხალაძის განცხადებით, ჟურნალისტიკიდან რომელიმე პარტიისთვის მუშაობა არ სურს.
"საარჩევნო წელი დაიწყო, პოლიტიკა კიდევ უფრო გააქტიურდა. მითხრეს, რომ პოლიტიკურ თემებზეც მომიწევდა მუშაობა. მე არ მინდა, ჟურნალისტიკიდან რომელიმე პარტიისთვის მუშაობა, ამ გუნდის მხარდამჭერიც რომ ვიყო, როგორც მოქალაქე. ახალს არაფერს ვამბობ, არხს გაცხადებული აქვს სარედაქციო პოლიტიკა. მივდივარ სახლში. მივდივარ მადლიერებით ხელმძღვანელების მიმართ - შესაძლებლობებისთვის, მხარდაჭერისთვის, ამ დრომდე შენარჩუნებისთვის... გულისწყვეტითაც მივდივარ... გზა გამოჩნდება!" - წერს ჟურნალისტი სოციალურ ქსელში.
ავტორი: ექსპრესნიუსი,
epn.ge (@expressnews.ge)
