რუსეთის გეგმები ოკუპირებულ აფხაზეთში საზღვაო ბაზის აშენების შესახებ საქართველოს სუვერენიტეტის მძიმე დარღვევაა,- ამის შესახებ ჰელსინკის კომისიის თავმჯდომარე სენატორი ბენ კარდინი Twitter-ზე წერს.

კარდინის თქმით, შეერთებული შტატები ყოველთვის უარყოფს რუსეთის მიერ აფხაზეთისა და სამხრეთ ოსეთის ოკუპაციას.

"რუსეთის გეგმები ოკუპირებულ აფხაზეთში საზღვაო ბაზის აშენების შესახებ საქართველოს სუვერენიტეტის მძიმე დარღვევაა.

ჩვენ ყოველთვის უარვყოფთ რუსეთის მიერ აფხაზეთისა და სამხრეთ ოსეთის ოკუპაციას და მზად ვართ, საქართველოს მხარი დავუჭიროთ ევროატლანტიკურ გზაზე წინსვლისთვის აუცილებელ რეფორმებში",- წერს კარდინი.

ცნობისთვის, დროებით ოკუპირებული აფხაზეთის ე.წ. პრეზიდენტმა, ასლან ბჟანიამ გამოცემა Известия-სთან ინტერვიუში განაცხადა, რომ ოკუპირებულ ოჩამჩირეში რუსეთის საზღვაო ძალების მუდმივი ბაზა გაიხსნება.

საქართველოს საგარეო საქმეთა სამინისტროში აცხადებენ, რომ "შეშფოთებას გამოთქვამენ სოხუმში რუსეთის საოკუპაციო რეჟიმის განცხადებებთან დაკავშირებით საქართველოს ოკუპირებულ ტერიტორიებზე რუსეთის დამატებითი სამხედრო ბაზის განლაგების და რუსეთის მიერ ინიცირებულ ინტეგრაციულ პროცესებში საქართველოს განუყოფელი აფხაზეთის რეგიონის ჩართვის შესახებ"

ავტორი: ექსპრესნიუსი,

სოციალური ქსელები

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა

რუსეთში ტურისტული სააგენტოების მასობრივი დახურვა დაიწყო

თიბისი კაპიტალმა მაკროეკონომიკური განახლება გამოაქვეყნა