იუსტიციის სამინისტროს სახელმწიფო სერვისების განვითარების სააგენტოს თანამშრომლებს, რომლებიც შეფასების ერთიანი სისტემის (CAF) დანერგვის პროცესში მონაწილეობენ, სპეციალური ტრენინგი ჩაუტარდათ. 

სახელმწიფო სერვისების განვითარების სააგენტოს ცნობით, შეფასების ერთიანი სისტემის მიზანია, საჯარო უწყებებში შედეგზე ორიენტირებული საქმიანობის გაუმჯობესება, რასაც უზრუნველყოფს არსებული მდგომარეობის სისტემატური და კომპლექსური თვითშეფასება.

"საჯარო მმართველობის რეფორმის ფარგლებში, საქართველოს მთავრობის მიერ დამტკიცებული სახელმწიფო სერვისების განვითარების 2022-2025 წლების სტრატეგიის შესაბამისად სააგენტოში შეფასების ერთიანი სისტემის დანერგვა უზრუნველყოფს: ხარისხის მართვის სისტემის დახვეწას და გაუმჯობესებას; მოქალაქეთა კმაყოფილების ზრდას; ორგანიზაციის მუდმივ განვითარებას; თვითშეფასების საფუძველზე სამუშაო პროცესების გაუმჯობესებას; საჯარო უწყებებში შეფასების ერთიანი სისტემის ჩამოყალიბებას.

შეფასების ერთიანი სისტემა ევროპაში სპეციალურად საჯარო სექტორისათვის შემუშავდა და ევროკავშირის წევრი ქვეყნების, მათ შორის ავსტრიის, ბელგიის, გერმანიის, დანიის, ესპანეთის, იტალიისა და ნიდერლანდების სამეფოს ათასობით საჯარო დაწესებულებაში წარმატებით გამოიყენება.
სახელმწიფო სერვისების განვითარების სააგენტოს კოორდინაციით ორგანიზაციული თვითშეფასების ევროპული მოდელი საჯარო რეესტრის ეროვნულ სააგენტოშიც ინერგება, რაც ხელს შეუწყობს შეფასების ერთიანი სისტემის ამოქმედებას.

პროექტი გაეროს განვითარების პროგრამის (UNDP) და დიდი ბრიტანეთის მთავრობის პროგრამის მხარდაჭერით ხორციელდება",- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა