უზენაესმა სასამართლომ ე.წ. ფულის გათეთრების საქმე წარმოებაში არ მიიღო. სასამართლომ, ხაზარაძე-ჯაფარიძე-წერეთლის საქმეზე, ბრალდებისა და დაცვის მხარის მიერ წარდგენილი საკასაციო საჩივრები დასაშვებად არ ცნო.

ადვოკატ კახა წერეთლის განცხადებით, უზენაესმა სასამართლომ გადაწყვეტილება სააპელაციო სასამართლოს გადაწყვეტილების გასაჩივრებიდან 6 თვის შემდეგ მიიღო.

"15 სექტემბერს განიხილა სასამართლომ როგორც დაცვის მხარის მიერ წარდგენილი საკასაციო საჩივრები, ასევე პროკურატურის მიერ წარდგენილი. 6 თვის თავზე მიიღო გადაწყვეტილება, რომ ეს საჩივრები არ იქნეს ცნობილი დასაშვებად. არ იყო მტკიცებულებები და აღნიშნული საქმე ადრე თუ გვიან დამთავრდება აუცილებლად სრულად გამამართლებელი გადაწყვეტილებით. გარდა ამისა, იყო წინაპროცესუალური სამართლებრივი მომენტები, რის გამოც ეს საქმე უზენაესი სასამართლოს განხილვის ღირსი უნდა გამხდარიყო. ამ ბრალდებასთან მიმართებაში, ამ ეტაპზე ამოიწურა ქართულ სამართლებრივ სივრცეში ეს საკითხი. ჩვენ გამოვიყენებთ კანონით გათვალისწინებულ სამართლებრივ შესაძლებლობას",- აცხადებს წერეთელი. 

ადვოკატ ზვიად კორძაძის თქმით, დარჩენილია ხანდაზმულობით გამართლებული თაღლითობის მუხლი, რომელსაც სტრასბურგის სასამართლოში გაასაჩივრებენ.

"ამ საქმეზე 5-წლიანი ეპოპეა დამთავრდა. დამთავრდა იმით, რომ მამუკა ხაზარაძე და ბადრი ჯაფარიძე გამართლდნენ ე.წ. ფულის გათეთრების ნაწილში. მათ არ აქვთ ნასამართლეობა. ერთადერთი, რაც აქ დარჩა, არის სასამართლოს მიერ ხანდაზმულობით რაღაც შენიღბული ვითომდა თაღლითობა, რომელიც ჩვენს მიერ გასაჩივრდება სტრასბურგის სასამართლოში",- ამბობს კორძაძე.

ცნობისთვის, თბილისის საქალაქო სასამართლომ 2022 წლის 12 იანვარს ხაზარაძე-ჯაფარიძე-წერეთელს 7-წლიანი პატიმრობა შეუფარდა, თუმცა საპატიმრო სასჯელის მოხდა სისხლისსამართლებრივი დევნის ხანდაზმულობის გამო არ მოუწიათ. 26 იანვარს, სააპელაციო სასამართლომ პირველი ინსტანციის გადაწყვეტილება ძალაში დატოვა. 

ავტორი: ექსპრესნიუსი,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა