პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე ცოტა ხნის წინ ხმაური იყო.

სიტყვიერი დაპირისპირება კომიტეტის თამჯდომარეს, მიხეილ სარჯველაძესა და "ევროოპტიმისტების" წარმომადგენელს, ხატია დეკანოიძეს შორის მოხდა.

დაპირისპირება მას შემდეგ დაიწყო, რაც დეკანოიძემ საერთაშორისო სავალუტო ფონდის პროექტის შეჩერებასთან დაკავშირებით კითხვა დასვა და ასევე, "ქართული ოცნების" დეპუტატებს ფრენებთან დაკავშირებით რუსეთის ფედერაციის საგარეო საქმეთა მინისტრის, სერგეი ლავროვის განცხადება შეახსენა.

"სერგეი ლავროვი, რუსეთის ხელისუფლება პირდაპირ საუბრობს თქვენს ხელისუფლებასთან. როდესაც ამას ვამტკიცებთ, თქვენ ამბობთ, რომ ეს ტყუილია",- განაცხადა დეკანოიძემ, რის შემდეგაც ოპოზიციონერ დეპუტატს მიხეილ სარჯველაძემ მიმართა და მის გამოსვლას "პოლიტიკური ხულიგნობა" უწოდა.

"ეს არის ახლა პოლიტიკური ხულიგნობა, რასაც აკეთებთ... საკუთარ თავს ამხელთ. აღმოჩნდება ხოლმე, რომ თქვენ და ლავროვი ერთი და იმავეს საუბრობთ. უნისონშია თქვენი და ლავროვის განცხადება... „პადაჩებს“ გაწვდით ლავროვი. სადაც გიჭირთ დასაბუთებაში, ყველგან ლავროვი გეხმარებათ“,- თქვა სარჯველაძემ.

შეგახსენებთ, რუსეთის ფედერაციის საგარეო საქმეთა მინისტრმა, სერგეი ლავროვმა TASS-თან ინტერვიუში განაცხადა: "როცა დავინახეთ ურთიერთობების ნორმალიზებით დაინტერესება, ღარიბაშვილის მთავრობასთან ფრენების განახლებაზე შევთანხმდით".

ავტორი: ექსპრესნიუსი,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში