გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი ქ. ვენაში, ატომური ენერგიის საერთაშორისო სააგენტოს (IAEA) 67-ე გენერალური კონფერენციაში მონაწილეობდა. კონფერენციის ფარგლებში, სოლომონ პავლიაშვილი ავსტრიის რესპუბლიკის კლიმატის, გარემოს დაცვის, ენერგიის, ტრანსპორტის, ინოვაციისა და ტექნოლოგიის ფედერალური სამინისტროს გენერალურ მდივანს ჰერბერტ კასერს შეხვდა. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

სამინისტროს ცნობით, შეხვედრაზე მინისტრის მოადგილემ საქართველოსა და ავსტრიას შორის გარემოს დაცვისა და სოფლის მეურნეობის მიმართულებით არსებულ მრავალწლიან მჭიდრო თანამშრომლობაზე ისაუბრა. სოლომონ პავლიაშვილმა ტყის მდგრადი მართვის, დაცული ტერიტორიების, ნარჩენების მართვისა და კლიმატის ცვლილების სფეროებში ავსტრიის განვითარების სააგენტოს (ADA) მხარდაჭერით მიმდინარე პროექტების მნიშვნელობაზე გაამახვილა ყურადღება. მინისტრის მოადგილემ აღნიშნა, რომ საქართველოს მიერ გადაიდგა სათანადო ნაბიჯები, რათა შესრულებულიყო ის პუნქტები, რაც მნიშვნელოვანია ევროკავშირის კანდიდატის სტატუსის მისაღებად და იმედი გამოთქვა, რომ ეს პროგრესი სათანადოდ იქნება შეფასებული.

„გენერალურმა მდივანმა ჰერბერტ კასერმა დადებითად შეაფასა ავსტრიასა და საქართველოს შორის პარტნიორობა, მიღწეული შედეგები და გამოხატა სამომავლო თანამშრომლობის მზადყოფნა სახიფათო ნარჩენების მართვის, ასევე, ბირთვული და რადიაციული უსაფრთხოების სფეროებში გამოცდილების გაზიარების კუთხით. მხარეებმა მწარმოებლის გაფართოებული ვალდებულებისა და ცირკულარული ეკონომიკის პრინციპების დანერგვის მიმართულებით თანამშრომლობის გაღრმავების საკითხებიც განიხილეს.

შეხვედრას საქართველოს ელჩი ავსტრიის რესპუბლიკაში ქეთევან ციხელაშვილი, ქართული დელეგაციის წევრები და ავსტრიის გარემოს დაცვისა და ცირკულარული ეკონომიკის დირექტორატის ხელმძღვანელი კრისტიან ჰოლცერი ესწრებოდნენ“,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა