სპეციალური საგამოძიებო სამსახურის განსაკუთრებით მნიშვნელოვან საქმეთა უფროსი გამომძიებლის, ირაკლი ლუხოშვილის განცხადებით, "ერთიანი ნაციონალური მოძრაობის" წევრმა, დაკავებულმა ნიკა მელიამ გამოძიებასთან თანამშრომლობაზე უარი განაცხადა.

როგორც ლუხოშვილმა მელიასთან შეხვედრის შემდეგ, მედიის წარმომადგენლებთან საუბრისას თქვა, იმ შემთხვევაში, თუ ოპოზიციონერი პოლიტიკოსი საგამოძიებო ორგანოსთან თანამშრომლობას ისურვებს, უწყება ყველა შესაბამის სამართლებრივ ღონისძიებას გაატარებს.

"სახალხო დამცველის აპარატიდან შემოსული შეტყობინების საფუძველზე, ჩვენ შესაბამისი რეაგირების განხორციელების მიზნით, შევხვდით დაკავებულ ნიკა მელიას დღეს. ბატონმა ნიკა მელიამ არ ისურვა გამოძიებისთვის შესაბამისი ინფორმაციის მოწოდება და გამოძიებასთან თანამშრომლობა. თუკი, დაკავებული პირი ისურვებს გამოძიებისთვის შესაბამისი ინფორმაციის მოწოდებას, ჩვენ მიერ გატარდება შესაბამისი ზომები...

უშუალოდ მე როდესაც შევხვდი დაკავებულ პირს, ტანსაცმლისგან ხილულ ადგილებში პირადად მე არ შემიმჩნევია სხეულის დაზიანება, თუმცა დაკავებული პირი თუ ისურვებს საგამოძიებო ორგანოსთან თანამშრომლობას, საგამოძიებო ორგანო მზად არის, გაატაროს შესაბამისი სამართლებრივი ღონისძიებები, მათ შორის სამედიცინო ექსპერტიზა",- თქვა გამომძიებელმა.

ცნობისთვის, სახალხო დამცველის აპარატმა გაავრცელა ინფორმაცია, რომ ენმ-ის წევრმა, ნიკა მელიამ ომბუდსმენის რწმუნებულთან პოლიციის თანამშრომელთა მხრიდან სიტყვიერი და ფიზიკური შეურაცხყოფის ფაქტზე ისაუბრა. 

მელია გუშინ, 22 სექტემბერს გლდანში თანაპარტიელებთან - ბაჩო დოლიძესა და ზვიად კუპრავასთან ერთად დააკავეს. 

შსს-ს ცნობით, ოპოზიციონერი პოლიტიკოსების დაკავება ადმინისტრაციულ სამართალდარღვევათა კოდექსის შესაბამისად მოხდა.

დაკავებამდე, გლდანში "ერთიანი ნაციონალური მოძრაობიდან" თბილისის საკრებულოს დეპუტატზე, ირაკლი ეძგვერაძეზე თავდასხმა განხორციელდა.

მელია და სხვა ოპოზიციონერი პოლიტიკოსები სწორედ თავდასხმის ადგილზე მისვლის შემდეგ დააკავეს.

ავტორი: ექსპრესნიუსი,

სოციალური ქსელები

ორიოლის სამხედრო ქარხანაზე სარაკეტო თავდასხმის შედეგად რვა ადამიანი დაშავდა, ერთი გარდაიცვალა

ტრამპი დაემუქრა რუსეთსა და უკრაინას 200%-იანი ტარიფების დაწესებით, თუ ომი გაგრძელდება

ორ პირს რომლებმაც მოქალაქეს ინტიმური ვიდეო გაუვრცელეს და თვითმკვლელობამდე მიიყვანეს ,ხოლოდ 5 წელი შეეფარდათ

უკრაინამ სამარის რეგიონში მდებარე „ტატნეფტის“ მსხვილ ქიმიურ ქარხანაზე იერიში მიიტანა