შუახევის მერი ომარ ტაკიძე, საკრებულოს თავმჯდომარე როსტომ ლორთქიფანიძესთან,  რესურსცენტრის ხელმძღვანელთან ედუარდ გოგრაჭაძესთან, საქართველოს პედაგოგთა და მეცნიერთა თავისუფალი პროფკავშირის შუახევის რაიონული ორგანიზაციის თავმჯდომარე ლევან ნატარიძეთან და სხვა ხელმძღვანელ პირებთან ერთად, მაწყვალთისა და კარაპეტის საჯარო სკოლაში იმყოფებოდა. ამის შესახებ ინფორმაციას შუახევის მერია ავრცელებს.

შუახევის მერიის ცნობით, ღვაწლმოსილ პედაგოგებს, ჯემალ ზოიძესა და ვალოდია ზოიძეს საიუბილეო თარიღი პირადად მიულოცა და მომავალი თაობის აღზრდა-განათლებაში შეტანილი განსაკუთრებული წვლილისათვის და საზოგადოებრივ საქმიანობაში აქტიური მონაწილეობისათვის საპატიო სიგელითა და სამახსოვრო საჩუქრით დააჯილდოვა.

"ჯემალ ზოიძე 50 წელია საგანმანათლებლო სფეროში მოღვაწეობას. სხვადასხვა დროს მუშაობდა შუახევის სახალხო განათლებაში სხვადასხვა პოზიციაზე. პედაგოგიურ საქმიანობას ეწეოდა სხეფის, ხაბელაშვილების, კარაპეტისა და მაწყვალთის საჯარო და საშუალო სკოლებში. 2005 წლიდან მაწყვალთის საჯარო სკოლის დირექტორია, პარალელურად გეოგრაფიის მასწავლებელი.

ვალოდია ზოიძე 1980 წლიდან  წარმატებით ეწევა პედაგოგიურ მოღვაწეობას. კარაპეტის საჯარო სკოლაში დღემდე ასწავლის ქართულ ენასა და ლიტერატურას. ამჟამად  სკოლის დირექტორია. 

ღვაწლმოსილ პედაგოგებს სხვადასხვა დროს მიღებული აქვს საპატიო სიგელები პედაგოგიურ საქმიანობაში მიღწეული წარმატებებისათვის.

ომარ ტაკიძემ პედაგოგებთან შეხვედრაზე, განათლების სფეროში განხორციელებულ  წარმატებულ პროექტებზე ისაუბრა და იმ სიახლეებს გაეცნო, რომელიც სკოლაში მასწავლებელთა პროფესიული განვითარებისა და სასწავლო პროცესის ხარისხის გაუმჯობესების მიზნით, ბოლო პერიოდში განხორციელდა. მასწავლებლებს ახალი სასაწავლო წლის დაწყება მიულოცა და წარმატებები უსურვა", - ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო