დაცული ტერიტორიების სააგენტოს თავმჯდომარე დავით იოსებაშვილი უზბეკეთის რესპუბლიკის ეკოლოგიის, გარემოს დაცვისა და კლიმატის ცვლილების სამინისტროს დელეგაციის წევრებს შეხვდა. აღნიშნულის შესახებ ინფორმაციას გარემოს დაცვის და სოფლის მეურნეობის სამინისტროს დაცული ტერიტორიების სააგენტო ავრცელებს.

მათი ცნობით, სამუშაო შეხვედრაზე ქართულმა მხარემ სტუმრებს საქართველოს დაცულ ტერიტორიებზე ეკოტურიზმის განვითარების პოლიტიკა და შედეგები, დაცული ტერიტორიების მართვის სისტემა და დანერგილი თანამედროვე ტექნოლოგიები გააცნო. დავით იოსებაშვილმა დელეგაციის წევრებს გარემოსდაცვითი და ეკოტურისტული მიმართულებით საქართველოს დაცულ ტერიტორიებზე განხორციელებული პროექტების შესახებაც მიაწოდა ინფორმაცია.

„მხარეებმა თანამშრომლობის სამომავლო გეგმები გამიხილეს, რომელიც ორ ქვეყანას შორის დაცული ტერიტორიების მართვის მიმართულებით გამოცდილების გაზიარებას ითვალისწინებს.

სამუშაო შეხვედრის შემდეგ, უზბეკეთის დელეგაციის წევრებმა წალკის კანიონი დაათვალიერეს. ვიზიტის დროს განსაკუთრებული ყურადღება არსებულ სერვისებსა და ინფრასტრუქტურაზე გამახვილდა“,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო