2023-09-15 23:19:48, 889 ნახვა
მსოფლიო
აშშ-ის პრეზიდენტის მრჩეველი ადასტურებს, რომ ბაიდენისა და ზელენსკის შეხვედრა ხუთშაბათს შედგება
აშშ-ის პრეზიდენტის მრჩეველმა ეროვნული უსაფრთხოების საკითხებში, ჯეიკ სალივანმა დაადასტურა, რომ ჯო ბაიდენი და უკრაინის პრეზიდენტი, ვოლოდიმირ ზელენსკი თეთრ სახლში ხუთშაბათს, 21 სექტემბერს ერთმანეთს შეხვდებიან.
შეხვედრა გაეროს გენერალური ასამბლეის მაღალი დონის კვირეულის ღონისძიებებში მონაწილეობის შემდეგ გაიმართება.
"ეს იქნება მათი მესამე შეხვედრა თეთრ სახლში. ეს ხდება ძალიან მნიშვნელოვან მომენტში, როდესაც რუსეთი უიმედოდ ეძებს დახმარებას ისეთი ქვეყნებისგან, როგორიც არის ჩრდილოეთ კორეა, უკრაინაში მისი სასტიკი ომისთვის, უკრაინის ჯარები აწარმოებენ კონტრშეტევას", - განაცხადა სალივანმა.
ავტორი: ექსპრესნიუსი,
epn.ge (@expressnews.ge)
